មហោស្រពភាពយន្តខ្លីមួយសោះ តែអាចបង្កើតអ្នកផលិតកុនខ្នាតវែង នាថ្ងៃអនាគតបាន
- 2018-04-26 08:00:00
- ចំនួនមតិ 0 | ចំនួនចែករំលែក 0
មហោស្រពភាពយន្តខ្លីមួយសោះ តែអាចបង្កើតអ្នកផលិតកុនខ្នាតវែង នាថ្ងៃអនាគតបាន
ចន្លោះមិនឃើញ
ផ្ដើមបង្កើតក្នុងឆ្នាំ ២០០៩ មហោស្រពភាពយន្តខ្លីចតុមុខ បានក្លាយជាកម្មវិធីប្រចាំឆ្នាំដោយផ្ដល់ឱកាស និងលើកទឹកចិត្តយុវវ័យជំនាន់ថ្មីបង្ហាញស្នាដៃផលិតភាពយន្តចេញពីស្រមើលស្រមៃទោះគ្មានបទពិសោធន៍ផលិត។
ទោះជាភាពយន្តផលិតដោយទូរស័ព្ទ ឬពីកាមេរ៉ាតម្លៃប៉ុន្មានក៏មហោស្រពភាពយន្តខ្លីចតុមុខធ្លាប់ផ្ដល់ឱកាសចូលរួមប្រកួតផងដែរដើម្បីសម្រេចគោលបំណងមួយគឺជំរុញការផលិតភាពយន្តខ្មែរ។ លោក ស៊ុំ ស៊ីថែន ស្ថាបនិកមហោស្រពភាពយន្តខ្លីចតុមុខ ប្រាប់ថា៖ «រយៈពេលជិត ១០ ឆ្នាំមកនេះមានផលិតករភាពយន្តខ្លីមួយចំនួនបានក្លាយជាអ្នកផលិតរឿងខ្នាតធំ និងរុញច្រានការផលិតភាពយន្តកាន់តែច្រើនឡើងជារៀងរាល់ឆ្នាំ»។ មិនតែប៉ុណ្ណោះក៏មានការបង្កើតកម្មវិធីមហោស្រពភាពយន្តខ្លីថ្មីៗមួយចំនួនទៀតដែលយកគំរូតាមកម្មវិធីប្រចាំឆ្នាំមួយនេះ លោក ស៊ីថែន ដែលកំពុងបន្តការសិក្សាលើការគ្រប់គ្រងការផលិតភាពយន្តបន្ត។
មិនខុសពីឆ្នាំកន្លងការជ្រើសរើសទទួលភាពយន្តខ្លីត្រូវបានកំណត់ កាលបរិច្ឆេទទទួលភាពយន្តដែលមានថេរវេលាមិនលើសពី ៣០នាទី។ គ្រប់គ្នាអាចចាប់ផ្ដើមផ្ញើភាពយន្តខ្លីរបស់ខ្លួន មកដាក់ប្រកួតក្នុងកម្មវិធីនេះបានហើយតាមរយៈ គេហទំព័រហ្វេប៊ុកផ្លូវការរបស់មហោស្រពភាពយន្តខ្លីចតុមុខ “Chaktomuk Short Film Festival” ឬ នៅលើគេហទំព័រ filmfreeway.com/CSFF ។
ដោយភាពយន្តខ្លីរបស់អ្នកត្រូវស្របតាមលក្ខខ័ណ្ឌដូចខាងក្រោម៖
អ្នកចូលរួមត្រូវទទួលខុសត្រូវ ចំពោះមុខច្បាប់លើកម្មសិទ្ធិបញ្ញា និងការរក្សាសិទ្ធិផ្សេងៗទាក់ទងនិងរឿងខ្លីរបស់ខ្លួន។
ភាពយន្តខ្លី ត្រូវតែមាន subtitled ជាភាសាអង់គ្លេស លើកលែងតែភាពយន្តនោះនិយាយភាសាអង់គ្លេសស្រាប់។
ភាពយន្តខ្លី ត្រូវតែជាភាពយន្តដែលផលិតចាប់ពីដើមខែមករា ឆ្នាំ២០១៧ មក
ភាពយន្តខ្លីត្រូវមានរយៈពេលមិនលើសពី ៣០នាទី។
នេះជាឱកាសនឹងជាពេលវេលាបង្ហាញស្នាដៃ ទស្សនៈ និងរូបភាពថ្មី រសជាតិថ្មីជាមួយសាច់រឿងថ្មីដើម្បីក្លាយខ្លួនជាផ្នែកមួយនៃការកសាងនឹងស្ដារឡើងវិញរាល់ទស្សនីយភាពសិល្បៈតាមរយៈគំនិតច្នៃប្រឌិតរបស់អ្នកទាំងអស់គ្នា ចាប់ពីថ្ងៃផ្សាយដំណឹងនេះរហូតដល់ដំណាច់ខែសីហាឆ្នាំ២០១៨៕