កែវ កុលស ថា មូលហេតុបឹងកេតប្រឹងលេងយប់មិញ គឺដើម្បីមុខមាត់ជាតិ

2018-04-26 08:01:18
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក កែវ កុសល គ្រូបង្វឹកបឹងកេតបង្ហើបកត្តានាំឲ្យបឹងកេតឈ្នះក្រុម Shan ដល់ក្នុងដីរបស់មីយ៉ាន់ម៉ា ៤-១ កាលពីយប់មិញក្នុងការប្រកួតបង្គ្រប់កិច្ចព្រឹត្តិការណ៍ AFC Cup 2018 ។

លោក កែវ កុសល

គ្រូបង្វឹករូបនេះបានឲ្យដឹងថា កត្តាដែលនាំឲ្យឈ្នះគឺការតាំងចិត្តលេងដើម្បីជាតិ និងការត្រៀមខ្លួនបានល្អរបស់ក្រុមទាំងមូល។ អ្វីដែលពិសេសនោះគឺកីឡាករបរទេសទាំង ៤ នាក់អាចលេងនៅលើទីលានតែមួយ ស្របពេលកីឡាករខ្មែរទាំងអស់គ្មានបញ្ហារបួស ពោលគឺពេញជើងល្អ។

លោកបន្ថែមថា កីឡាករបឹងកេតបានតាំងចិត្តយ៉ាងមុតមាំ មុនពេលការប្រកួតគឺលេងដើម្បីឈ្នះ បើទោះដឹងខ្លួនថា ក្រុមបានធ្លាក់ពីព្រឹត្តិការណ៍នេះហើយក្ដី។ ចំពោះលទ្ធផលនេះលោកពិតជាសប្បាយចិត្ត ពីព្រោះបានស្ដារមុខមាត់ក្លឹបឡើងវិញ ដោយអាចដណ្ដើមបានលេខ៣ក្នុងពូល។

ពិន្ទុវិញបឹងកេតរកបាន ៦ ក្នុងចំណោមការប្រកួតទាំងអស់ ៦ លើកស្ថិតនៅលេខ ៣ ស្របពេលក្រុម Home United របស់សិង្ហបុរីស្ថិតនៅលេខ ១ រីឯក្រុម Ceres របស់ហ្វីលីពីននៅលេខ ២ មាន ១៣ ពិន្ទុស្មើក្រុមលេខ ១ និងក្រុមលេខ ៤ Shan United របស់មីយ៉ាន់ម៉ា ដែលមាន ៣ ពិន្ទុ។ បឹងកេត នឹងមកដល់ទឹកដីកំណើតវិញវេលាម៉ោង ៩ យប់នេះ៕