សាលារាធានីថា «បុគ្គលមួយក្រុមតូច»បានដើរបំភ្លៃរឿងធ្វើ អត្តសញ្ញាណបណ្ណ
- 2018-04-26 09:34:29
- ចំនួនមតិ 0 | ចំនួនចែករំលែក 0
សាលារាធានីថា «បុគ្គលមួយក្រុមតូច»បានដើរបំភ្លៃរឿងធ្វើ អត្តសញ្ញាណបណ្ណ
ចន្លោះមិនឃើញ
រដ្ឋបាលរាជធានីភ្នំពេញកាលពីរសៀលម្សិលមិញបានប្រកាសលើទំព័រហ្វេសប៊ុករបស់ខ្លួនថានាប៉ុន្មានថ្ងៃនេះមានបុគ្គលមួួយក្រុមតូចបានដើរបំផុសបំផុលប្រជាពលរដ្ឋឲ្យប្រញាប់ធ្វើ អត្តសញ្ញាណបណ្ណឲ្យបានមុនការបោះឆ្នោតខែកក្កដា ខាងមុខ ដោយ«បំភ្លៃថា» ក្រោយការបោះឆ្នោតការធ្វើអត្តសញ្ញាណបណ្ណនឹងត្រូវគិតថ្លៃសេវា ដែលនេះសាលារាជធានីថាជាការបំភ្លៃកាពិត។
បើតាមសាលារាជធានីការធ្វើ អត្តសញ្ញាណបណ្ណសញ្ជាតិខ្មែរ សៀវភៅគ្រួសារ សៀវភៅស្នាក់នៅ សំបុត្រកំណើត សំបុត្រអាពាហ៍ពិពាហ៍ និងសបុត្រមរណភាពជាដើមក៏មិនត្រូវគិតថ្លៃសេវាផងដែរ។
សាលារាជធានីសរសេរបន្តថា៖ «ជាមួយគ្នានេះ អាជ្ញាធរមានសមត្ថកិច្ចត្រូវចាត់វិធានការស្វែងរកបុគ្គលដើរបំផុសបំផុលបំភ្លៃការពិតពីករណីធ្វើអត្តសញ្ញាណបណ្ណនេះ និងសូមប្រជាពលរដ្ឋមេត្តាជួយផ្តល់ព័ត៌មានឈានដល់ការចាប់ខ្លួនបុគ្គលទាំងនេះ ដើម្បីផ្តន្ទាទោសតាមនីតិវិធីច្បាប់»៕