បើធ្វើរឿងទាំងនេះបាន អ្នកដទៃនឹងមើលមកថា អ្នកជាមនុស្សដ៏គួរឲ្យសរសើរ
- 2018-04-26 09:50:51
- ចំនួនមតិ 0 | ចំនួនចែករំលែក 0
បើធ្វើរឿងទាំងនេះបាន អ្នកដទៃនឹងមើលមកថា អ្នកជាមនុស្សដ៏គួរឲ្យសរសើរ
ចន្លោះមិនឃើញ
ការដឹងអំពីរបៀបធ្វើជាម្ចាស់ជីវិតខ្លួនឯង ពិតជាសំខាន់ខ្លាំងណាស់សម្រាប់បុគ្គលម្នាក់ៗ។ ដូចនេះហើយបើអ្នកអាចធ្វើរឿង ៨ យ៉ាងនេះបាន អ្នកនឹងក្លាយជាមនុស្សមានបុគ្គលិកលក្ខណៈល្អ ហើយអ្នកផងទាំងពួងនឹងកោតសរសើរ។
១.ដឹងអំពីអារម្មណ៍អ្នកដទៃ និងនិយាយមានហេតុផល
មនុស្សដែលចេះដឹងយល់ពីអារម្មណ៍អ្នកដទៃ តែងតែត្រូវបានគេស្ញប់ស្ញែង។ បើមានចំណុចនេះ អ្នកនឹងត្រូវមនុស្សជុំវិញស្រលាញ់រាប់អានច្រើន។
**២.ដឹងពីរបៀបប្រើពេលវេលាឲ្យមានប្រសិទ្ធភាព**
មនុស្សខ្លាំងដឹងពីអ្វីដែលពួកគេពិតជាចង់បាន និងជៀសវាងការខ្ជះខ្ជាយពេលវេលា។ មិនតែប៉ុណ្ណោះមនុស្សរឹងមាំមិនមានលេស ដើម្បីរារាំងបំណងខ្លួន ផ្ទុយទៅវិញពួកគេតែងតែព្យាយាមសម្រេចគោលដៅបានទាន់កំណត់មិនដែលខានម្ដងឡើយ។
៣.មានភាពបត់បែន តែមិនមែនក្រឡេចក្រឡុច
ជីវិតតែងតែផ្លាស់ប្ដូរជានិច្ច ដូច្នេះពេលខ្លះវាពិតជាពិបាកសម្រាប់សម្របខ្លួនទៅនឹងស្ថានភាពថ្មីមួយទៀត។ មនុស្សសាមញ្ញភាគច្រើននឹងមានភាពធុញទ្រាន់ ហើយអ្នកដែលខ្លាំងនឹងព្យាយាមធ្វើខ្លួនធម្មតារស់នៅជាមួយវាបានយ៉ាងស្រួល។
៤.ប្រឈមនឹងភាពភ័យខ្លាច
មនុស្សក្លាហានគឺហ៊ានប្រឈមមុខ និងយកឈ្នះលើការភ័យខ្លាចផ្សេងៗដែលចូលមកក្នុងជីវិត។ តែបើអ្នកមិនអាចយកឈ្នះភាពភ័យខ្លាចបានទេ អ្នកនៅនឹងតែចាញ់ច្រាបគេរហូត។
៥.ចេះដឹងពីកំហុសឆ្គង
ពួកគេរៀនពីកំហុស ហើយចេះកែប្រែឲ្យមានភាពប្រសើរឡើង។ បុគ្គលដែលមានបុគ្គលិកលក្ខណៈរឹងមាំ គឺមិនដែលខ្លាចទទួលកំហុស ហើយទៅបន្ទោសអ្នកដទៃ។
៦.រស់នៅ និងធ្វើការសម្រេចចិត្តដោយផ្អែកលើគោលការណ៍ខ្លួនឯង
ប្រសិនបើមនុស្សម្នាក់រស់នៅតាមគោលការណ៍ និងយល់ពីអាទិភាពរបស់ខ្លួនឯង មិនខុសទេដែលគេអាចក្លាយជាអ្នកដឹកនាំថ្ងៃណាមួយ។ សមត្ថភាពនេះធ្វើឲ្យពួកគេកាន់តែរឹងមាំ និងមានទំនុកចិត្តច្រើនជាងមនុស្សធម្មតា។
៧.បង្កើនជំនាញ
មនុស្សខ្លាំងៗផ្ដោតលើការបង្កើនចំណេះដឹង និងចំណេះធ្វើរបស់ពួកគេ ដើម្បីឲ្យជំនាញគេកាន់តែទូលំទូលាយ។
៨.មើលឃើញលំបាកជាឱកាស
មនុស្សជារឿយៗមិនសប្បាយរហូតទេ បញ្ហាតែងមានច្រើនជាងភាពរីករាយជានិច្ច។ ប៉ុន្តែពេលជួបរឿងលំបាក គេអាចប្រែក្លាយវាទៅជាឱកាសល្អក្នុងការអភិវឌ្ឍខ្លួនវិញ៕
ចុចអាន ៖
សញ្ញាទាំង ៩ បញ្ជាក់ថាមិត្តអ្នកច្រណែន ព្រោះឃើញអ្នកល្អជាង
សញ្ញាទាំង ៥ លើរាងកាយ បញ្ជាក់ថាអ្នកជាមនុស្សពិសេស និងកម្របំផុត