តារាស្រីជើងចាស់បូលីវូដ Priyanka Chopra គឺជាអ្នកកំដរកូនក្រមុំកម្មវិធីអាពាហ៍ពិពាហ៍រាជវង្ស
- 2018-04-26 10:10:00
- ចំនួនមតិ 0 | ចំនួនចែករំលែក 0
តារាស្រីជើងចាស់បូលីវូដ Priyanka Chopra គឺជាអ្នកកំដរកូនក្រមុំកម្មវិធីអាពាហ៍ពិពាហ៍រាជវង្ស
ចន្លោះមិនឃើញ
តារាជើងចាស់បូលីវូដ Priyanka Chopra នឹងចូលរួមកម្មវិធីអាពាហ៍ពិពាហ៍របស់ ព្រះអង្គម្ចាស់ Harry និងតារាសម្ដែង Meghan Markle។ តារារូបនេះបានបញ្ជាក់ប្រាប់សារព័ត៌មាន US Weekly ថានាងបានអញ្ជើញចូលរួមកម្មវិធីដ៏ធំនេះ ដោយធ្វើជាអ្នកកំដរកូនក្រមុំទៀតផង។
ប៉ុន្តែពេលនេះបញ្ហាមួយដែលនាងបារម្ភបំផុតនោះគឺ នាងមិនទាន់ដឹងថានាងគួរតែស្លៀកសម្លៀកបំពាក់បែបណា។ Priyanka បានថ្លែងថា "ខ្ញុំដូចជាមានគំនិតមួយចំពោះឈុតនោះ ប៉ុន្តែមកដល់ពេលនេះហើយខ្ញុំមិនទាន់រើសឈុតបាននៅឡើយ។"
តារាស្រីទាំងពីររូបនេះបានក្លាយជាមិត្តស្និទ្ធស្នាលរយៈពេល ៣ឆ្នាំមកហើយ។ តារារូបនេះបានបញ្ជាក់ទៀតថានាងពិតជាសប្បាយចិត្តយ៉ាងខ្លាំងដែល Meghan បានជួបរឿងល្អចំពោះជីវិតរបស់នាង។ កាលពីសប្ដាហ៍មុននេះដែរ Priyanka ទើបនឹងអបអរតារារួបនេះ ដោយបានជាប់ឈ្មោះក្នុងតារាងមនុស្សមានឥទ្ធិពលបំផុតក្នុងលោកទាំង១០០ របស់ទស្សនាវដ្ដី Time។
ដូច្នេះហើយទើបអ្នកគាំទ្រនាងជាច្រើនកំពុងតែរងចាំមើលថា តើឈុតសម្លៀកបំពាក់នោះនឹងស្រស់ស្អាតកម្រិតណា?