ជប៉ុនខឹងខ្លាំង រហូតស្នើឲ្យកូរ៉េខាងត្បូងដកបង្អែមនេះចេញពីបញ្ជីមុខម្ហូបសម្រាប់ជំនួបធំថ្ងៃស្អែក
- 2018-04-26 14:09:08
- ចំនួនមតិ 0 | ចំនួនចែករំលែក 0
ជប៉ុនខឹងខ្លាំង រហូតស្នើឲ្យកូរ៉េខាងត្បូងដកបង្អែមនេះចេញពីបញ្ជីមុខម្ហូបសម្រាប់ជំនួបធំថ្ងៃស្អែក
ចន្លោះមិនឃើញ
ជប៉ុនបានទាមទារឲ្យកូរ៉េខាងត្បូង ដកបង្អែមមួយមុខចេញពីបញ្ជីមុខម្ហូបសម្រាប់ទទួលពេលពិសាអាហារពេលល្ងាច ក្នុងជំនួបជាន់ខ្ពស់រវាងប្រទេសកូរ៉េខាងជើង និងកូរ៉េខាងត្បូងនាថ្ងៃសុក្រស្អែកនេះ។
បង្អែមនោះ បានបង្ហាញពីផែនទីប្រទេសកូរ៉េទាំងពីររួបរួមគ្នា។ ទោះជាយ៉ាងណា ក្នុងផែនទីនោះផងដែរ បានរាប់បញ្ចូលកោះជម្លោះរវាងប្រទេសកូរ៉េខាងត្បូង និងជប៉ុន នៅសមុទ្រជប៉ុន (កូរ៉េខាងត្បូងហៅសមុទ្រខាងកើត)។
នំ Takeshima (ឈ្មោះជាភាសាជប៉ុន) ឬ Dokdo (ឈ្មោះជាភាសាកូរ៉េ) ដែលមានបង្ហាញរូបផែនទីកូរ៉េទាំងនេះ ត្រូវបានបង្ហាញជាសាធារណៈកាលពីថ្ងៃអង្គារ ដើមសប្ដាហ៍នេះ។ មួយថ្ងៃក្រោយមក អ្នកនាំពាក្យក្រសួងការបរទេសជប៉ុន បានចេញមុខបង្ហាញពីភាពសោកស្ដាយដែលកូរ៉េខាងត្បូងបានរៀបចំបង្អែមបែបនេះ និងបានអំពាវនាវឲ្យដកមុខម្ហូបបង្អែមនេះចេញ។
កូរ៉េខាងត្បូង មិនទាន់មានចម្លើយឆ្លើយតបយ៉ាងណាទេ ទាក់ទងនឹងបញ្ហានេះ។
កិច្ចប្រជុំរវាងលោកប្រធានាធិបតីកូរ៉េខាងត្បូង Moon Jae-in និងមេដឹកនាំកូរ៉េខាងជើង Kim Jong-un នឹងធ្វើឡើងនៅថ្ងៃស្អែក។
ប្រធានបទសំខាន់ក្នុងកិច្ចប្រជុំនេះ ផ្ដោតសំខាន់លើពីអនាគតនៃកម្មវិធីអាវុធនុយក្លេអ៊ែររបស់របបព្យុងយ៉ាង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
