មិនមែនលំៗទេ ល្ងាចនេះក្រុមអ្នកគាំទ្រ កាកា មកពីបន្ទាយមានជ័យ ៣ឡាន

2018-04-27 03:51:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំពោះការប្រកួតវគ្គផ្ដាច់ព្រ័ត្រខ្សែក្រវាត់គូបូតាទម្ងន់ ៦០គីឡូក្រាម នាល្ងាចនេះនៅសង្វៀន បាយ័នស្ទឹងមានជ័យ កីឡាករ កាកា មានអ្នកមកគាំទ្រសង្វៀនប្រកួតចំនួន៣ឡានមកពីខេត្តបន្ទាយមានជ័យដើម្បីមកលើកទឹកចិត្ត។

ឡុង ជិន(ស្ដាំ) កាកា(ឆ្វេង)

ឡាន កាកា និងអ្នកគាំទ្រជិះមក

បើតាមការឲ្យដឹងពីលោក សុខ ញិល ឪពុករបស់ កាកា បានឲ្យដឹងថា ជំនួបផ្ដាច់ព្រ័ត្រល្ងាចនេះ មានបងប្អូន មិត្តភ័ក្ដិ ច្រើននាក់ដែរមកគាំទ្រការប្រកួតនេះដែរ ឥលូវនេះមកដល់ភ្នំពេញ២ឡានហើយ និងបន្តិចទៀតឡានក្រុងចេញពីខេត្តមួយទៀត។ ឪពុកជើងខ្លាំងខាងលើបន្តថា ក្រៅតែពីអ្នកគាំទ្រមកពីខេត្ត ក៏មានអ្នកគាំទ្រមួយចំនួនដែលកំពុងធ្វើការនៅឯរាជធានីភ្នំពេញនេះផងដែរ។

រំលឹកដែរថា ការប្រកួតវគ្គផ្ដាច់ព្រ័ត្រខ្សែក្រវាត់គូបូតា រវាងកីឡាករ ឡុង ជិន និង កាកា ចាប់ផ្ដើមឡើងពីម៉ោង៧យប់តទៅនៅឯសង្វៀនបាយ័នស្ទឹងមានជ័យ៕

អត្ថបទ៖ នួន ស៊ីណា