Mourinho បកស្រាយរឿង Chelsea លក់ Salah ចេញ
- 2018-04-28 05:43:49
- ចំនួនមតិ 0 | ចំនួនចែករំលែក 0
Mourinho បកស្រាយរឿង Chelsea លក់ Salah ចេញ
ចន្លោះមិនឃើញ
Mohamed Salah បានចាកចេញពី Stamford Bridge ក្រោមសម័យដឹកនាំរបស់លោក Jose Mourinho កាលពីឆ្នាំ២០១៦ បន្ទាប់ពីកីឡាករសញ្ជាតិអេហ្ស៊ីបមិនបានបង្ហាញទម្រង់លេងលេចធ្លោអ្វីសោះក្នុងរយៈពេល២រដូវកាល។
មនុស្សជាច្រើនបានស្តីបន្ទោសយ៉ាងធ្ងន់ធ្ងរលើលោក Mourinho ថាបានលក់តារាឆ្នើមទៅឲ្យ Roma កាលពីឆ្នាំ២០១៦។ ប៉ុន្តែ គ្រូបង្វឹកបច្ចុប្បន្នរបស់បិសាចក្រហមបានទទូចថា លោកមិនបានសម្រេចចិត្តលក់ Salah ទេ។ Salah ដែលបច្ចុប្បន្នស៊ុតបាន៤៣គ្រាប់គ្រប់កម្មវិធី ហើយអាចនឹងជួយ Liverpool ទៅកាន់វគ្គផ្ដាច់ព្រ័ត្រ Champions League។
Salah បានចាកចេញពី Chelsea ទៅក្លឹប Roma នៅឆ្នាំ ២០១៦ មុនពេលដែលក្រុមហង្សក្រហមបានទិញបន្តទៀតកាលពីរដូវក្តៅមុនក្នុងតម្លៃ ៤០ លានផោន (ប្រហែល ៥៥ លានដុល្លារ) ជាតម្លៃដែលថោកជាងខ្សែការពារ Virgil van Dirjk ដែល Liverpool ទើបទិញពី Southampton កាលពីដើមខែមករានេះដល់ទៅជិតពាក់កណ្តាល។
បច្ចុប្បន្នអតីតកីឡាករ Chelsea វ័យ ២៥ ឆ្នាំរូបនេះកំពុងត្រូវបានគេចាត់ទុកថាជាបេក្ខភាពដណ្តើមពានរង្វាន់ Ballon d'Or ជាមួយ Cristiano Ronaldo និង Lionel Messi ។
Mourinho បានប្រាប់ ESPN Brazil ថា "មនុស្សជាច្រើនថាខ្ញុំជាអ្នកលក់ Salah ប៉ុន្តែវាមិនអីចឹងទេ។ ខ្ញុំគឺជាមនុស្សម្នាក់ដែលបានទិញ Salah ហើយខ្ញុំគឺជាមនុស្សម្នាក់ដែលប្រាប់ Chelsea ឱ្យទិញ Salah"។
"ប៉ុន្តែគាត់ [Salah] កាលណោះនៅក្មេង កាយសម្បទាមិនទាន់ពេញលេញ អារម្មណ៍ផ្លូវចិត្តក្នុងការសម្របនឹងសង្គមវប្បធម៌មិនទាន់ធ្វើបាននៅឡើយ។ យើងបានសម្រេចចិត្តដាក់គាត់ឱ្យគេខ្ចីជើង ហើយគាត់ក៏ចង់បានដូច្នេះដែរ"។
"Chelsea ជាអ្នកសម្រេចចិត្តលក់គាត់ យល់? ហើយគេនិយាយថាខ្ញុំគឺជាអ្នកលក់ នោះគឺជាការកុហក។ ខ្ញុំបានដាក់គាត់ ឲ្យគេខ្ចីជើង ខ្ញុំគិតថាវាចាំបាច់ ខ្ញុំគិតថា Chelsea មានកីឡាករស្លាប មានដូចជា Willian, Eden Hazard"។
លោក Mourinho បានបន្ថែមថា "តាមពិតទៅខ្ញុំជាអ្នកទិញ Salah ខ្ញុំមិនបានលក់ Salah ប៉ុន្តែវាមិនមែនជាបញ្ហាអ្វីទេ។ អ្វីដែលសំខាន់នោះគឺថាគាត់គឺជាកីឡាករដ៏អស្ចារ្យហើយខ្ញុំពិតជាសប្បាយចិត្តនៅពេលឃើញគ្រប់យ៉ាងដែលមាន ជាពិសេសគាត់ទាត់បញ្ចូលទីគេគ្រប់គ្នា តែគាត់មិនទាត់ចូលយើងទាំង២ប្រកួត"៕