Higuain ជួយ Juventus ចុងម៉ោង យកឈ្នះ Inter មានគ្នាត្រឹម១០នាក់ ២-៣
- 2018-04-29 01:45:07
- ចំនួនមតិ 0 | ចំនួនចែករំលែក 0
Higuain ជួយ Juventus ចុងម៉ោង យកឈ្នះ Inter មានគ្នាត្រឹម១០នាក់ ២-៣
ចន្លោះមិនឃើញ
ខ្សែប្រយុទ្ធ Gonzalo Higuain ជាតួឯកជួយក្រុម Juventus យកឈ្នះលើក្រុម Inter Milan ក្នុងលទ្ធផល ២-៣ នាពានរង្វាន់ Seria A សប្ដាហ៏ទី៣៥។
នេះជាប្រកួតស្វិតស្វាញមួយសម្រាប់ក្រុមទាំងពីរ ដោយសារតែក្រុមកំពូលតារាង Juventus ត្រូវការពិន្ទុក្នុងប្រកួតនេះជាចាំបាច់ ដើម្បីរក្សាតំណែងរបស់ខ្លួនឈរលើគេ។ ដោយឡែក Inter វិញ ក៏ត្រូវការពិន្ទុដូចគ្នាដើម្បីប្រជែងយកតំណែង Top4 របស់ខ្លួន។
ត្រលប់ទៅនិយាយពីការប្រកួតវិញ ក្រុមម្ចាស់ផ្ទះ Inter សល់ត្រឹមគ្នា១០នាក់ប៉ុណ្ណោះ ក្រោយពីកីឡាករ Vecini ទទួលបានកាតក្រហមនៅដើមតង់ទី១ នាទី១៨។ ត្បិតតែមានគ្នាត្រឹម១០នាក់មែន ប៉ុន្តែក្រុមរបស់លោក Spalletti នៅតែធ្វើបានល្អនិងលេងដោយទំនុកចិត្តរហូតរកគ្រាប់បាល់បានប្រដេញគ្នាជាមួយ Juventus ក្នុងលទ្ធផល ២-២ ត្រឹមនាទី៨៧។ ក្រោមការព្យាយាមរបស់ Higuain ដើម្បីឱ្យក្រុមឈ្នះការប្រកួតនោះ ខ្សែប្រយុទ្ធអាហ្សង់ទីនរូបនេះ រកបាន១គ្រាប់ជាជ័យជម្នះតែម្ដង នៅនាទី៨៩ ធ្វើឱ្យចប់ការប្រកួត Inter ២-៣ Juventus ។
គិតត្រឹមឈ្នះយប់មិញក្នុងប្រកួតទី៣៥នេះ Juventus ឈរកំពូលតារាងមាន៨៨ពិន្ទុ ស្របពេលក្រុមលេខ២ Napoli មាន៨៤ពិន្ទុ ប៉ុន្តែពួកគេទើបតែប្រកួតបាន៣៤ប្រកួតប៉ុណ្ណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
