Zlatan ៖ ស៊ុយអែត គួរតែឈ្នះ World Cup ព្រោះពួកគេលេងល្អ ពេលគ្មាន Zlatan

2018-04-29 03:27:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Zlatan Ibrahimovic បាននិយាយថាប្រទេសស៊ុយអែត មានសមត្ថភាពគ្រប់គ្រាន់ដើម្បីឈ្នះ World Cup នាឆ្នាំនេះ ព្រោះពួកគេកំពុងលេងល្អ ពេលគ្មានវត្តមានកីឡាករឈ្មោះ Zlatan ។

និយាយបណ្ដើរសើចបណ្ដើរប្រាប់អ្នកកាសែត អតីតកីឡាករ Man Utd ដែលកំពុងប្រកបអាជីពនៅ La Galaxy បាននិយាយរូបគេសប្បាយពេលឃើញប្រទេសរបស់ខ្លួនមានឱកាសល្អបានទៅលេង World Cup ។ នេះជាព្រឹត្តិការណ៍ធំ ហើយស៊ុយអែតគួរតែលើកពានមួយនេះ នាឆ្នាំនេះ ព្រោះថាពួកគេកំពុងលេងល្អ ហើយកាន់តែល្អទៀតនោះ គឺពួកគេមិនមានវត្តមានរបស់កីឡាករ Zlatan ។

ក្រុមជម្រើសជាតិស៊ុយអែត

ប្រិយមិត្តប្រហែលជាមិនទាន់ភ្លេចទេថា បុរសវ័យ៣៦ឆ្នាំខាងលើបានប្រកាសចូលនិវត្តន៍ពីជម្រើសជាតិស៊ុយអែត តាំងពីឆ្នាំ២០១៦កន្លងទៅ ក្រោយពីធ្វើមិនបានល្អនៅ Euro 2016 ។ ស្របពេលដែលដើមឆ្នាំនេះ ក្រោយពីឃើញជម្រើសជាតិមានឱកាសបានទៅលេងនៅ World Cup រូបគេ បានបង្ហើបថាចង់ចូលជម្រើសជាតិវិញ ហើយបោះពាក្យថា World Cup គ្មានន័យទេ ប្រសិនបើគ្មាន Zlatan ។

ដំណឹងចុងក្រោយបំផុត សហព័ន្ធបាល់ទាត់ស៊ុយអែត ទើបតែប្រកាសថា Zlatan នឹងមិនមានឈ្មោះលេងឱ្យស៊ុយអែតឡើយ នៅ World Cup 2018 នាប្រទេសរុស្ស៊ីនោះ៕

ប្រភព៖ Bleacherreport ប្រែសម្រួល៖ មុន្នីរម្យ