ម៉ៃ សុទ្ធ ថា ឃីម ឌីម៉ា ល្អបានតែកែងទេ ក្រៅពីនោះធម្មតាៗ
- 2018-04-30 02:27:26
- ចំនួនមតិ 0 | ចំនួនចែករំលែក 0
ម៉ៃ សុទ្ធ ថា ឃីម ឌីម៉ា ល្អបានតែកែងទេ ក្រៅពីនោះធម្មតាៗ
ចន្លោះមិនឃើញ
ជើងខ្លាំងឆ្លងដែនមកពីប្រទេសថៃ ម៉ៃសុទ្ធ សម្រាប់អ្នកប្រដាល់កម្ពុជា ឃីម ឌីម៉ា អាចនិយាយបានថា អាវុធដែលខ្លាំងជាងគេ គឺមានតែកែងនោះទេ ក្រៅពីនេះដូចជាមិនមានអ្វីខ្លាំងគួរឲ្យកត់សម្គាល់នោះឡើយ។
ម៉ៃសុទ្ធ បានឲ្យដឹងថា តាមរយៈការជួបប្រកួតជាមួយគ្នាចំនួនពីរដងកន្លងទៅនេះ មើលឃើញថា ឃីម ឌីម៉ា មានតែកែងទេល្អ ប៉ុន្តែការប៉ះគ្នាលើកនេះ គេមានជំហររឹងមាំ អាចថាដោយសារហ្វឹកហាត់បានដិតដល់។ ចំពោះការប្រកួតមិត្តភាពអន្តរជាតិម្សិលមិញនេះ បើប្រកួតនៅឯប្រទេសថៃវិញ គេឲ្យខ្លួនបាត់ទៅហើយ ព្រោះអីបោះមួយជង្គង់ចូលពេញស្អិត គឺឲ្យខ្លួនឈ្នះតែម្ដង។
អ្នកប្រដាល់ជើងខ្លាំងខាងលើនេះបន្តថា ចំពោះលទ្ធត្រឹមស្មើក៏ដោយ ក៏រូបគេមិនថាអ្វីនោះទេ នៅតែទទួលយក ព្រោះធ្វើម៉េចបើការដាក់ពិន្ទុរវាងថៃ និងកម្ពុជាខុសគ្នា។ បើមានឱកាសលើកក្រោយទៀតអ្នកប្រដាល់របស់ថៃរូបនេះ ចង់ជួប ឃីម ឌីម៉ា ជាថ្មី ព្រោះចង់ឈ្នះលើកីឡាករកម្ពុជាខាងលើ។
រំលឹកដែរថា កីឡាករថៃ ម៉ៃសុទ្ធ ធ្លាប់ជួបប្រកួតជាមួយ ឃីម ឌីម៉ា ពីរដងមកហើយ ដោយលើកទី១ឈ្នះពិន្ទុកម្មវិធីម៉ារ៉ាតុងដណ្ដើមប្រាក់លានវគ្គផ្ដាច់ព្រ័ត្រអំឡុងខែកុម្ភៈ និងលើកទី២ ថ្ងៃអាទិត្យ ទី២៩ ខែមេសា ឆ្នាំ២០១៨ លទ្ធស្មើគ្នាលើសង្វៀន CNC កម្មវិធី ISI៕