សេន ប៊ុនថេន៖ កីឡាមានចាញ់ មានឈ្នះ ប៉ុន្តែនឹងខំប្រឹងយកជ័យជម្នះ

2018-04-30 08:59:07
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករចាស់វស្សាក្នុងវិស័យប្រដាល់គុនខ្មែរ សេន ប៊ុនថេន ថា កាលវិលចូលសង្វៀនលើកនេះ ក៏មិនទាន់ហ៊ានថាយ៉ាងណានោះទេ ព្រោះខានឡើងប្រកួតយូរ បានត្រឹមឡើងបង្ហាត់និងកាន់ស៊ីបឲ្យសិស្ស ប៉ុន្តែយ៉ាងណានឹងខំប្រឹងប្រកួតដើម្បីជ័យជម្នះនាថ្ងៃទី៥ ឧសភា នៅបាត់ដំបង។

រូបភាពហ្វេសបុក

សេន ប៊ុនថេន ប្រាប់ឲ្យដឹងថា មិនទាន់ដឹងសមត្ថភាពដៃគូយ៉ាងណានោះទេ ដោយគ្រាន់តែអ្នករៀបចំការប្រកួតប្រាប់មកថា គេនឹងការកីឡាករដែលមានអាយុប្រហាក់ប្រហែលគ្នាឲ្យប្រកួតជាមួយនាជំនួបមិត្តភាពអន្តរជាតិ Kmen Top Fighter ។

សេន ប៊ុនថេន និង ឃីម ឌីម៉ា

គ្រូប្រដាល់មកពីក្លឹប Prokout ខាងលើបន្ថែមថា ចំពោះការត្រៀមខ្លួននោះ គឺយូរគួរសមដែរ ណាមួយក៏បង្ហាត់សិស្សរាល់ថ្ងៃទៀតផង គ្រាន់តែថាកម្លាំងមិនដូចមុន ទោះយ៉ាងនឹងប្រឹងប្រែងប្រកួតដណ្ដើមយកជ័យជម្នះ។ បើដឹងថាខ្លួនវ៉ៃមិនកើតក៏ឡើងវ៉ៃដែរ មិនចង់បានតែលុយហើយបាត់បង់មុខមាត់កិត្តិយសនោះទេ។

សេន ប៊ុនថេន ក្នុងថ្ងៃសន្និសីទសារព័ត៌មាន

សេន ប៊ុនថេន នឹងត្រូវឡើងសង្វៀនជាថ្មីទៀតនាថ្ងៃទី៥ ខែឧសភា ឆ្នាំ២០១៨ នៅឯទីរួមខេត្តបាត់ដំបងក្នុងកម្មវិធីប្រដាល់ថ្មី Kmen Top Fighter ដែលរៀបចំការប្រកួតនៅតាមបណ្ដាខេត្តនានារៀងរាល់មួយខែម្ដង៕

អត្ថបទ៖ នួន ស៊ីណា