ដើរផ្សារទំនើបធំៗ៣នេះ បើគ្មានអីច្រកអីវ៉ាន់ ប្រយ័ត្នគេគិតលុយថែម
- 2018-05-01 07:40:14
- ចំនួនមតិ 0 | ចំនួនចែករំលែក 0
ដើរផ្សារទំនើបធំៗ៣នេះ បើគ្មានអីច្រកអីវ៉ាន់ ប្រយ័ត្នគេគិតលុយថែម
ចន្លោះមិនឃើញ
ផ្សារទំនើបធំៗមួយចំនួននៅរាជធានីភ្នំពេញ អនុវត្តច្បាប់គិតកម្រៃបន្ថែមលើថង់ប្លាស្ទិក ដោយអតិថិជនត្រូវបង់ថ្លៃថង់ប្លាស្ទិក១ មានតម្លៃ ១០ សេន។ ការកំណត់ច្បាប់នេះ ធ្វើឡើងក្រោយប្រកាសរបស់ក្រសួ បរិស្ថាន ក្រសួងសេដ្ឋកិច្ច និងក្រសួងហិរញ្ញវត្ថុរួមគ្នា ដោយមានគោលបំណងបង្កើនប្រសិទ្ធភាពលើការកាត់បន្ថយ ការនាំចូល ការផលិត និងការប្រើប្រាស់ថង់ផ្លាស្ទិក ក៏ដូចជាសំដៅកាត់បន្ថយផលប៉ះពាល់សុខភាព និងបរិស្ថាន។
ផ្សារទំនើបមានដូចជា ផ្សារទំនើបអ៊ីអន ផ្សារទំនើបឡាក់គី ផ្សារថៃហួត។ អតិថិជនទាំងអស់មកទិញទំនិញ ឬអីវ៉ាន់នៅផ្សារទំនើបទាំងនេះ បើមិនចង់ចំណាយប្រាក់បន្ថែម គឺអាចយកកន្ត្រក ឬថង់ភ្ជាប់មកជាមួយផងដែរ។
យ៉ាងណាមិញច្បាប់មួយនេះ មិនបានបង្ខំឲ្យប្រជាពលរដ្ឋត្រូវបង់ថ្លៃលើថង់ដាច់ខាតនោះទេ លោកអ្នកក៏អាចមិនបង់ គ្រាន់តែត្រូវកាន់អីវ៉ាន់ដោយមិនបាច់វេចខ្ចប់។ នេះបើតាមអ្នកគិតលុយនៅផ្សារទំនើបមួយ បានប្រាប់។
ការតម្រូវឲ្យហាងទំនិញ គិតកម្រៃបន្ថែមពីអតិថិជននេះ មិនមែនជាការធ្វើអាជីវកម្ម ដើម្បីរកចំណូលនោះទេ តែជាការពញ្ញាក់ស្មារតី ក៏ដូចជាការអប់រំដល់ប្រជាពលរដ្ឋ ឲ្យគិតគូពីបញ្ហាបរិស្ថាន តាមរយៈការកាត់បន្ថយការប្រើប្រាស់ថង់ប្លាស្ទិក។ លោក ហេង ណារ៉េត អគ្គនាយកនៃអគ្គនាយកដ្ឋានគាំពារបរិស្ថាន នៃក្រសួងបរិស្ថាន បានបញ្ជាក់កន្លងមក។
គួរជម្រាបថា ការប្រើប្រាស់ថង់ប្លាស្ទិកនៅទីក្រុងភ្នំពេញ មានចំនួនរហូតដល់ទៅ១០លានថង់ជារៀងរាល់ថ្ងៃ។ ហើយថង់ផ្លាស្ទិកដែលត្រូវគេប្រមូលបានតាមរយៈការបោសសំអាតផ្លូវក្នុងទីក្រុងភ្នំពេញដដែល មានប្រមាណ១លាន៧សែនថង់ឯណោះ៕