ចង់ថតរូបពេលយប់ឲ្យបានស្អាត គួរកំណត់ f-stop, ISO និង Shutter Speed បែបណា?

2018-05-03 01:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថតរូបនៅទីងងឹតឬពេលរាត្រីមិនជារឿងងាយនោះទេ បើអ្នកមិនស្វែងយល់ឲ្យបានច្បាស់លាស់នូវគន្លឹះសំខាន់ៗ។ ការកាន់កាមេរ៉ាថតនៅពេលយប់ ក្រៅពីចាំបាច់ត្រូវប្តូរមកប្រើប្រាស់ Manual Mode និងប្រើដង Tripod (សម្រាប់ថត Landscape) អ្នកប្រើប្រាស់ក៏ត្រូវសិក្សាឲ្យស៊ីជម្រៅពីរង្វាស់នៃ ISO, f-stop និង Shutter Speed ថាតើគួរជ្រើសរើសបែបណាទើបសក្ដិសមបំផុត?

+ការប្រើប្រាស់ Aperture:

ការទមា្លក់ Aperture ឬ f-stop ឲ្យកាន់តែទាប កាន់តែជាជម្រើសល្អសម្រាប់ថតនៅទីតាំងងងឹត ប៉ុន្តែចំណុចនេះក៏ផ្អែកទៅតាមប្រភេទលែន ដោយលែនខ្លះមានលេខ f-stop ទាបបំផុត ធ្លាក់មកត្រឹម f/5.6 ឬ f/3.5 ឬ f/2.8។ ការថតធម្មតាអ្នកអាចស្ទាបស្ទង់ដោយខ្លួនឯង ប៉ុន្តែការថត Landscape នៅពេលយប់ អ្នកជំនាញណែនាំឲ្យកំណត់មក f/11 ឬ f/16។

+ការកំណត់ Shutter Speed:

ការដំឡើងឬបន្ថយ Shutter Speed ត្រង់ចំណុចនេះ ក៏ពឹងផ្អែកលើកម្រិតពន្លឺនៅទីតាំងរបស់អ្នកផ្ទាល់ ប៉ុន្តែការបង្កើតចេញជារូបភាពល្អបំផុតមួយ ភាគច្រើនគេរើសយកត្រឹម 10″ (១០ វិនាទី) ។

+ការដំឡើង ISO:

ពិតណាស់ដែល ISO កាន់តែខ្ពស់ ជួយជំរុញឲ្យរូបភាពកាន់តែភ្លឺ ប៉ុន្តែត្រូវចាំគ្រាប់ Noise ក៏កើតមានច្រើនដូចគ្នា។ ប៉ុន្តែសមត្ថភាពនៃកាមេរ៉ាទំនើបភាគច្រើនក្នុងពេលបច្ចុប្បន្ន ការដំឡើងត្រឹម ISO 1600 ហាក់មិនទាន់ធ្វើឲ្យបាត់បង់គុណភាពរូបនោះឡើយ។

+ការវាស់ស្ទង់ក្រោយថតរួចរាល់:

ក្រោយសាកល្បងប៉ុន្មានចំណុចខាងលើ បន្ទាប់ពីថតហើយអ្នកមើលទៅរូបភាពឃើញ រាងងងឹតពេក អ្នកអាចដំឡើង ISO ដល់ 3200 និងប្តូរ Shutter Speed មក 30” (៣០ វិនាទី) ។ ផ្ទុយទៅវិញបើ រូបភាពមានសភាពចាំងខ្លាំង អ្នកអាចទម្លាក់ ISO មកសល់ត្រឹម ៨០០ និងដក Shutter Speed មក 8” គឺអាចយកជាការបានហើយ។

រូបភាពឧទាហរណ៍នៅខាងក្រោម: