សរសើរ ឡុង សុភី ចេះតែប្រកួតឈ្នះឡើងទៅវគ្គផ្ដាច់ព្រ័ត្រទៅកើត ទោះមានបញ្ហាទាំងនេះ...
- 2018-05-02 04:18:57
- ចំនួនមតិ 0 | ចំនួនចែករំលែក 0
សរសើរ ឡុង សុភី ចេះតែប្រកួតឈ្នះឡើងទៅវគ្គផ្ដាច់ព្រ័ត្រទៅកើត ទោះមានបញ្ហាទាំងនេះ...
ចន្លោះមិនឃើញ
កីឡាករល្អជង្គង់ ឡុង សុភី ទោះមានបញ្ហាសុខភាព និងត្រូវអាជ្ញាកណ្ដាលរាប់តាំងពីមិនទាន់បានប្រកួតក្ដី នៅតែខំតស៊ូប្រកួតរហូតឈ្នះបានឡើងទៅវគ្គផ្ដាច់ព្រ័ត្រខ្សែក្រវាត់លីអូកាលពីថ្ងៃអាទិត្យសប្ដាហ៍មុននេះ។
ឡុង សុភី ប្រាប់ឲ្យដឹងថា មុនការប្រកួតប៉ុន្មានថ្ងៃមានបញ្ហាសុខភាពផ្ដាសាយធំ វាធ្វើទុក្ខអស់កម្លាំង តឹងច្រមុះពិបាកដកដង្ហើម ជាហេតុធ្វើឲ្យប្រកួតពាក់កណ្ដាលផ្ដាច់ព្រ័ត្រកន្លងទៅនេះហាក់ពិបាកខ្លាំងមើលទៅតឹងតែងទម្រាំបានឈ្នះពិន្ទុ។ កាលពីថ្ងៃសៅរ៍មុនការប្រកួតចេះបានចាក់ថ្នាំ និងព្យួរសេរ៉ូម ទើបអាចប្រកួតបានដូចនេះ។
ជើងខ្លាំងមកពីក្លឹបសាលវ័ន្តខាងលើបន្ថែមថា រឿងហួសចិត្តមួយទៀតនោះ គឺមិនទាន់ប្រកួតផង ត្រូវអាជ្ញាកណ្ដាលរាប់៨បាត់ទៅហើយ ព្រោះអ្នកឲ្យទឹកថ្មីមិនធ្លាប់ដោះខ្សែកចេញ ជាហេតុត្រូវចំណាយពេលយូររហូតត្រូវគេរាប់បែបនេះ។ រឿងមួយនេះធ្វើឲ្យខ្លួនស្ទើរអស់ទឹកចិត្តប្រកួតទៅហើយ និងមានតែបន់គុណឪពុក គុណម្ដាយសុំឲ្យឈ្នះប៉ុណ្ណោះ។
សិស្សច្បង ឡុង សំណាង រូបនេះ លើកឡើងទៀតថា បើមានកម្លាំងពេញដូចរាល់ដងនោះ អ្នកប្រដាល់ថៃ រ៉ាស៊ីសឹង្ហា បែបសន្លប់ដូចកាលវគ្គសន្សំពិន្ទុអញ្ចឹង ព្រោះអីពេលប្រកួតនោះមានពេលខ្លះអស់កម្លាំងចង់សន្លប់ម្ដងៗទៅហើយ។
ការប្រកួតវគ្គពាក់កណ្ដាលផ្ដាច់ព្រ័ត្រខ្សែក្រវាត់ស្របៀលីអូ កាលពីថ្ងៃអាទិត្យ ទី២៩ ខែមេសា ឆ្នាំ២០១៨ នៅសង្វៀនបាយ័នបឹងស្នោ រកឃើញជើងខ្លាំងឡើងទៅវគ្គផ្ដាច់ព្រ័ត្រហើយ ឡុង សុភី ត្រូវប៉ះ ម៉ឺន សុភា បន្ទាប់ពីពួកគេឈ្នះដៃគូដោយពិន្ទុដូចគ្នា៕ ឡុង សុភី ឈ្នះ រ៉ាស៊ីសឹង្ហា ចំណែក ម៉ឺន សុភា ឈ្នះ វ៉ាត់ ឆារ៉ាឡេក៕