កំពុងពិបាកចិត្តខ្លាំងក្រែងធ្លាក់ខ្លួនមានជំងឺបាក់ទឹកចិត្ត កុំខានសិក្ខាសាលាមួយនេះឲ្យសោះ

2018-05-02 11:20:48
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នយុវវ័យជាក្រុមដែលប្រឈមនឹងជំងឺបាក់ទឹកចិត្តបំផុត ព្រោះពួកគេមិនទាន់មានបទពិសោធន៍ជីវិតច្រើន ខ្វះការគិតពិចារណា និងងាយប្រលូកឬ សាកល្បងអ្វីថ្មីៗ ដូចជា ការរួមភេទវ័យក្មេងបែបប្រថុយប្រថាន ឬប្រើគ្រឿងញៀនជាដើម។ ទោះយ៉ាងនេះក្ដីយុវវ័យភាគច្រើនហាក់មិនទាន់យល់ពីមូលហេតុ វិធីការពារ និងព្យាបាលខ្លួនពីជំងឺនេះនៅឡើយទេ។

ដូច្នេះហើយ នៅថ្ងៃអាទិត្យ ទី១៧ មិថុនា ២០១៨ ក្រុមយុវជនស្ម័គ្រចិត្ត WPT នឹងរៀបចំសិក្ខាសាលាមួយក្រោមប្រធានបទ «ជំងឺបាក់ទឹកចិត្ត និងយុវជនក្នុងសតវត្សទី២១» (Depression and Youth in the 21st Century ) វេលាម៉ោង ៧ព្រឹក ដល់ ១១ព្រឹក នៅមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC)។

ក្រុមយុវជនស្ម័គ្រចិត្ត WPT

គោលបំណងសិក្ខាសាលានេះ គឺដើម្បីផ្ដល់ចំណេះដឹងឲ្យស៊ីជម្រៅពីជំងឺបាក់ទឹកចិត្ត ជំរុញសុខុមាលភាពផ្លូវចិត្ត និងចូលរួមកាត់បន្ថយអត្រាអ្នកកើតជំងឺនេះក្នុងចំណោមយុវវ័យខ្មែរ ដោយអ្នកចូលរួមអាចសិក្សាឈ្វេងយល់ដោយផ្ទាល់ជាមួយវាគ្មិនជំនាញ និងស្ដាប់ការចែករំលែកបទពិសោធន៍ពីភ្ញៀវកិត្តិយសដែលធ្លាប់ឆ្លងកាត់ពីជំងឺមួយនេះ។

កាលបរិច្ឆេទ ៖ ថ្ងៃអាទិត្យ ទី១៧ មិថុនា ២០១៨
វេលាម៉ោង ៖ ៧ព្រឹក ដល់ ១១ព្រឹក
ទីតាំង ៖ មជ្ឈមណ្ឌលសហប្រតិបត្តិការកម្ពុជា-ជប៉ុន(CJCC)
តម្លៃសំបុត្រ ៖ ១សន្លឹក ១០០០០ រៀល

អាចកក់សំបុត្របានចាប់ពីថ្ងៃនេះ តាមរយៈលេខ៖

010 22 95 38
098 57 48 87
017 33 44 20
017 49 28 82 ។

ក្រុមយុវជនស្ម័គ្រចិត្ត "យើងរីកចម្រើនជាមួយគ្នា" ហៅកាត់ថា ” WPT” ត្រូវបានបង្កើតឡើងនៅថ្ងៃទី១ មិថុនា ២០១៤ ដោយក្រុមនិស្សិតមកពីសាកលវិទ្យាល័យផ្សេងៗគ្នា មានចិត្តគំនិត និងចំណង់ចំណូលចិត្តដូចគ្នាក្នុងការចូលរួមធ្វើពីសកម្មភាពកិច្ចការសង្គមដោយផ្ដោតសំខាន់លើផ្នែក ៦គឺ Education (ការអប់រំ) Environment (បរិស្ថាន) Children (កុមារ) Women (ស្រ្តី) Youth (យុវជន) Music (តន្រ្តី)៕