តាក់ស៊ី​ភូមិ ឥឡូវ​​ក៏​មាន​គិត​លុយ​តាម​ Wing ដែរ

  • 2018-05-03 09:36:21
  • ចំនួនមតិ

ចន្លោះមិនឃើញ

ធនាគារ​ឯកទេស​ Wing សម្ពោធ​ដាក់​ឲ្យ​ប្រើ​ប្រាស់​​វិធីសាស្ត្រ​ថ្មី​​ គឺការទូទាត់​ថ្លៃ​ធ្វើ​ដំណើរ​ជាមួយ​តាក់ស៊ី​ភូមិ តាម​រយៈ​កម្មវិធីមួយ​ហៅថា "​Wingគិតលុយ​" ដើម្បី​ធានាថា​អតិ​ថិ​ជន​ទទួលបានជ​ម្រើ​ស ក្នុង​ការធ្វើ​ប្រតិបត្តិការ​សាច់ប្រាក់​ជាច្រើន ប្រកបដោយ​សុវត្ថិភាព និង​ងាយស្រួល​។

តាម​រយៈ​សេវាកម្ម​ទូទាត់​ប្រាក់​លើ​កម្មវិធី តាក់ស៊ី​ភូមិ អតិ​ថិ​ជន​មិនចាំបាច់​ព្រួយបារម្ភ​រឿងសាច់ប្រាក់​របស់​ពួកគេ នៅពេល​ធ្វើ​ដំណើរ ឬ​ត្រូវ​រង់ចាំ​លុយ​អាប់​នៅពេលទៅដល់​គោលដៅ​ឡើយ​។​

នេះ​ជា​ក្តី​ប្រាថ្នា​មួយ​របស់​ Wing ចង់​បង្កើត​នូ​វ​បរិយាកាស​នៃ​ការទូទាត់​ប្រាក់​តាម​ប្រព័ន្ធ​អេ​ឡិ​ច​ត្រូ​និក ប្រកបដោយ​ភាព​ជោគ​ជ័យ និង​ផ្តល់​ជា​ចំណូល​ប្រចាំថ្ងៃ​សម្រាប់ ភ្នាក់ងារ ដៃគូ​សហការ សាជីវកម្ម សហគ្រាស​ខ្នាតតូច និង​ម​ធ្យ​ម ម្ចាស់​អាជីវកម្ម និង​ស្ថាប័ន​នានា ទាំង​នៅ​ទីក្រុង និង​នៅតាម​ទី​ជន​បទ​។

​ដើម្បី​អបអរសាទ​រ​កិច្ចសហការ​នេះ អតិ​ថិ​ជន​ដែល​ធ្វើ​ដំ​ណើ​រ​តាម​រយៈ​កម្មវិធី តាក់ស៊ី​ភូមិ នឹង​ទទួលបាន​ការ​ប​ញ្ចុះ​តម្លៃ​ពិសេសរហូតដល់ ៧០​ភាគ​រយ នៅពេល​ពួកគេធ្វើ​ការទូទាត់​ថ្លៃ​ធ្វើ​ដំណើរ តាម​រយៈ​គណនី​វី​ង​។ កម្មវិធី​ពិសេស​នេះ នឹង​ផ្តល់គ្រប់​អតិ​ថិ​ជន​ទាំង​អស់ដែល​មាន​កម្មវិធី តាក់ស៊ី​ភូមិ នៅលើ​ទូរ​ស័ព្ទ​ដៃ​ចាប់​ពីថ្ងៃ​នេះ រហូតដល់​ចុង​ខែសីហា​។

ការបង្កើត​គណនី​ Wing គឺ​មិនមាន​គិតថ្លៃ​អ្វី​ទាំងអស់​។ អតិ​ថិ​ជន​គ្រាន់តែ​ដោ​ន​ឡូត កម្មវិធី​ស្មា​ត​ហ្វូន Wing ដាក់​ក្នុង​ទូរ​ស័​ព្ទដៃ និង​បំពេញ​រាល់ព័​ត៌មាន​ចាំបាច់​សម្រាប់​បង្កើត​គណនី​នោះ ឬ​ទៅកាន់​ភ្នាក់ងារ​​ Wing ​នៅ​ទូទាំង​ប្រទេស​៕


ដោយ៖ ថា ម៉ាលីដា