តាក់ស៊ីភូមិ ឥឡូវក៏មានគិតលុយតាម Wing ដែរ

2018-05-03 09:36:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ធនាគារឯកទេសវីង សម្ពោធដាក់ឲ្យប្រើប្រាស់វិធីសាស្ត្រថ្មីនៃការទូទាត់ថ្លៃធ្វើដំណើរជាមួយតាក់ស៊ីភូមិ តាមរយៈគណនីវីង។

ធនាគារឯកទេសវីង តែងតែខិតខំស្វែងរកនូវមធ្យោបាយ ក្នុងការបង្កើនប្រសិទ្ធភាព និងដំណោះស្រាយថ្មី នៃការទូទាត់ប្រាក់សម្រាប់អតិថិជន។ ទាំងនេះ ក៏ស្របពេលដែលប្រជាជនកម្ពុជា ចាប់ផ្តើមមើលឃើញនូវអត្ថប្រយោជន៍នៃសេវាទូទាត់ប្រាក់តាមប្រព័ន្ធអេឡិចត្រូនិក តាមរយៈការផ្ទេរប្រាក់ និងសកម្មភាពប្រចាំថ្ងៃផ្សេងៗទៀត។ ធនាគារយើងខ្ញុំ កំពុងពង្រឹងនូវសេវាទូទាត់ប្រាក់តាមប្រព័ន្ធអេឡិចត្រូនិក ដែលហៅថា “វីងគិតលុយ” ដើម្បីធានាថាអតិថិជនទទួលបានជម្រើស ក្នុងការធ្វើប្រតិបត្តិការសាច់ប្រាក់ជាច្រើន ប្រកបដោយសុវត្ថិភាព និងភាពងាយស្រួល។

ធនាគារឯកទេសវីង មានក្តីប្រាថ្នា ចង់បង្កើតនូវបរិយាកាសនៃការទូទាត់ប្រាក់តាមប្រព័ន្ធអេឡិចត្រូនិក ប្រកបដោយភាពជោគជ័យ និងផ្តល់ជាចំនូលប្រចាំថ្ងៃសម្រាប់ ភ្នាក់ងារ ដៃគូសហការ សាជីវកម្ម សហគ្រាសខ្នាតតូច និងមធ្យម ម្ចាស់អាជីវកម្ម និងស្ថាប័ននានា ទាំងនៅទីក្រុង និងនៅតាមទីជនបទ។ តាមរយៈសេវាកម្មទូទាត់ប្រាក់លើកម្មវិធី តាក់ស៊ីភូមិ អតិថិជនមិនចាំបាច់ព្រួយបារម្ភអំពីសាច់ប្រាក់របស់ពួកគេ នៅពេលធ្វើដំណើរ ឬត្រូវរង់ចាំលុយអាប់នៅពេលដែលពួកគាត់ទៅដល់គោលដៅឡើយ។

នេះគឺជាការបន្តប្រឹងប្រែងរបស់ធនាគារឯកទេសវីវីង ក្នុងការផ្តល់ជូននូវបច្ចេកវិទ្យា និងការបង្កើតថ្មីសម្រាប់ សង្គមជាតិកម្ពុជាទាំងមូល បន្ថែមលើសេវាកម្មទូទាត់ប្រាក់ តាមរយៈទូរស័ព្ទដៃជាច្រើន ដែលក្រុមហ៊ុនបានបង្កើតឡើង ក្នុងគោលបំណងផ្តល់ភាពងាយស្រួលដល់ប្រជាជនកម្ពុជា ក្នុងការប្រើប្រាស់សេវាកម្មហិរញ្ញវត្ថុផ្សេងៗ និងធ្វើឲ្យប្រសើរឡើងនូវជីវភាពរស់នៅប្រចាំថ្ងៃរបស់ពួកគាត់។ ដើម្បីអបអរសាទរកិច្ចសហការនេះ អតិថិជនដែលធ្វើដំណើរតាមរយៈកម្មវិធី តាក់ស៊ីភូមិ នឹងទទួលបានការបញ្ចុះតម្លៃយ៉ាងសំបើមរហូតដល់ ៧០ភាគរយ នៅពេលពួកគាត់ធ្វើការទូទាត់ថ្លៃធ្វើដំណើរ តាមរយៈគណនីវីង។ កម្មវិធីពិសេសនេះ នឹងផ្តល់ជូនគ្រប់អតិថិជនទាំងអស់ដែលមានកម្មវិធី តាក់ស៊ីភូមិ នៅលើទូរស័ព្ទដៃចាប់ពីថ្ងៃនេះ រហូតដល់ចុងខែសីហា។ ក្រៅពីការទូទាត់ប្រាក់ អតិថិជនអាចប្រើគណនីវីង ក្នុងការបង់វិក្កយបត្រ ទិញទំនិញតាមអនឡាញ បញ្ចូលទឹកប្រាក់ទូរស័ព្ទដៃ ផ្ញើរទឹកប្រាក់ទៅគ្រប់ទីកន្លែងនៅកម្ពុជា ឬបង់ប្រាក់កម្ចីផ្សេងៗ។ សម្រាប់អតិថិជនដែលពុំទាន់មានគណនីវីង ពួកគាត់ក៏អាចដកលុយ ឬធ្វើប្រតិបត្តិការផ្សេងៗដោយគ្រាន់តែទៅកាន់ភ្នាក់ងារវីងដែលនៅជិតពួកគាត់បំផុត។

ការបង្កើតគណនីវីង គឺមិនមានគិតថ្លៃអ្វីទាំងអស់។ អតិថិជនគ្រាន់តែដោនឡូត កម្មវិធីស្មាតហ្វូន វីង ដាក់ក្នុងទូរស័ព្ទដៃ និងបំពេញរាល់ព័ត៌មានចាំបាច់សម្រាប់បង្កើតគណនីនីនីនោះ ឬទៅកាន់ភ្នាក់ងារវីងនៅទូទាំងប្រទេសដើម្បីបង្កើតគណនីនៅទីនោះ។

ជាមួយនឹងកិច្ចសហការនេះ ធនាគារឯកទេសវីង ជឿជាក់ថាពួកយើងកំពុងបង្កើតជម្រើសជាច្រើនសម្រាប់ប្រជាជន និងអ្នកជំនាញដែលរស់នៅក្នុងប្រទេសកម្ពុជា ក៏ដូចជាជួយជំរុញកំណើនសេដ្ឋកិច្ចរបស់ប្រទេសកម្ពុជាផងដែរ។ នេះគឺស្របទៅនឹងបេសកកម្មរបស់យើងក្នុងការផ្តល់ជូននូវសេវាកម្មប្រតិបត្តិការទឹកប្រាក់តាមរយៈទូរស័ព្ទដៃដ៏មានប្រសិទ្ធភាព ដែលជួយលើកកម្ពស់ ជំរុញកំណើនសេដ្ឋកិច្ច និងកាត់បន្ថយវិសមភាពសង្គម។

ជាថ្មីម្តងទៀត ធនាគារឯកទេស វីង មានសេចក្តីសោមនស្សរីករាយក្នុងការផ្តល់ជូនសេវាកម្មថ្មីៗដល់ប្រទេសកម្ពុជា!

ដោយ៖ ថា ម៉ាលីដា