Angelina Jolie និង Bill Gates ជាប់ឈ្មោះជាបុគ្គលដែលគេកោតសរសើរបំផុតលើពិភពលោក

2018-05-04 11:19:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗ ការស្ទង់មតិមួយ បានបង្ហាញថា តារាសម្ដែង Angelina Jolie និងលោក Bill Gates ក្លាយជាបុគ្គលដែលគេកោតសរសើរបំផុត ក្នុងរយៈពេល៣ឆ្នាំជាប់គ្នាតែម្ដង ដោយរាប់ពីឆ្នាំ ២០១៥ មកដល់ឆ្នាំ ២០១៨ នេះ។

ជាក់ស្ដែង ក្រុមហ៊ុន YouGiv បានឲ្យដឹងថា ការស្ទង់មតិនេះ គឺធ្វើឡើងដោយឲ្យមហាជន ដាក់លេខរៀងឲ្យមនុស្សល្បីៗទាំង៤០នាក់ តាមលំដាប់ថ្នាក់ដែលគេកោតសរសើរបុគ្គលនោះ។

ជាលទ្ធផល ក្នុងចំណោមស្ត្រីទាំង២០នាក់ Angelina Jolie ជាប់ឆ្នោតក្លាយជាបុគ្គលដែលគេកោតសរសើរបំផុត ព្រោះតែអំពើសប្បុរសធម៌ និងអ្នកផ្សព្វផ្សាយសន្តិភាព ។

ចំណែកឯខាងបុរសវិញ លោក Bill Gates ជាអ្នកជាប់ឆ្នោតលេខ១ ក្លាយជាបុគ្គលគេកោតសរសើរ ព្រោះតែអំពើសប្បុរសធម៌របស់លោក។

សូមបញ្ជាក់ផងដែរ ការបោះឆ្នោតពីបណ្ដាមហាជនប្រមាណជា ៣៧,០០០នាក់ មកពី៣៥ ប្រទេស ដើម្បីរកមនុស្សដែលគេកោតសរសើរបំផុតនេះ គឺបោះឆ្នោតឲ្យបុគ្គលដែលមានជីវិតពេលបច្ចុប្បន្នប៉ុណ្ណោះ ពោលគឺមិនរាប់អ្នកដែលទទួលមរណភាពទៅហើយឡើយ ៕

ប្រភព៖ Therichest ប្រែសម្រួល៖ ម៉េង សុខហួយ