'ការលក់ស្រា' អាចជាមូលហេតុមួយជំរុញ Iniesta ចេញពី Barca
- 2018-05-03 11:46:18
- ចំនួនមតិ 0 | ចំនួនចែករំលែក 0
'ការលក់ស្រា' អាចជាមូលហេតុមួយជំរុញ Iniesta ចេញពី Barca
ចន្លោះមិនឃើញ
បើតាមការចុះផ្សាយរបស់សារព័ត៌មាន El Mundo ក្លឹបចិន Chongqing Dangdai Lifan ដែលអាចជាក្លឹបថ្មីរបស់ Andres Iniesta មិនត្រឹមតែឲ្យហ៊ានឲ្យប្រាក់ខែកីឡាករអេស្ប៉ាញច្រើននោះទេ ថែមទាំងព្រមទទួលទិញស្រាចេញពីរោងចក្ររបស់ខ្សែបម្រើរូបនេះទៀត។
El Mundo បានទម្លាយថា ការលក់ស្រា អាចគឺជាមូលហេតុដ៏ចម្បងមួយដែលកីឡាករអេស្ប៉ាញ Iniesta ចាកចេញពី Barcelona ហើយគ្រោងទៅលេងនៅចិន។
បើតាមប្រភពដដែល កាលពីពេលថ្មីៗនេះ ក្លឹប Chongqing Dangdai Lifan ដែលមានមូលដ្ឋាននៅចិន ព្រមឲ្យ Iniesta កុងត្រារយៈពេល ៣រដូវកាល ហើយក្នុងមួយរដូវកាល ខ្សែបម្រើអេស្ប៉ាញនឹងទទួលបាន ២៧ លានអឺរ៉ូ (ប្រមាណ ៣២ លានដុល្លារសហរដ្ឋអាមេរិក)។
អ្វីដែលគួរឲ្យចាប់អារម្មណ៍ទៅទៀត គឺក្លឹបចិនមួយនេះ នឹងព្រមទទួលទិញស្រាផលិតដោយ Bodega Iniesta (ដែលជារោងចក្រផលិតស្រារបស់កីឡាករអេស្ប៉ាញ) ចំនួនដល់ទៅ ៦លានដប ហើយក្នុងមួយដបថ្ងៃ ៦អឺរ៉ូ។
ដូច្នេះ បើព្រមព្រៀងមែន កីឡាករ Iniesta នឹងទទួលបានដល់ទៅ ៣៦ លានអឺរ៉ូ (ប្រមាណ ៤៣ លានដុល្លារសហរដ្ឋអាមេរិក) ពីការលក់ស្រាមួយនេះ បន្ថែមពីលើប្រាក់ខែដ៏ច្រើនដែលក្លឹបចិនព្រមឲ្យដូចបានរៀបរាប់ខាងលើ។
សូមបញ្ជាក់ផងដែរថា កាលពីសប្ដាហ៍មុន ខ្សែបម្រើ Andres Iniesta បានប្រកាសចាកចេញពី Barcelona នៅពេលរដូវកាលនេះចប់៕