ប្រវត្តិសាស្ត្រម្ដងនេះ ភិន សុដាលីស សម្ដែងតួរង

2018-05-04 05:12:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹកមិញនេះផលិតកម្មមហាហង្សបានធ្វើពិធីក្រុងពាលីខ្សែភាពយន្តភាគថ្មីរឿង"កាំបិតមុខពីរ" នៅគេហដ្ឋានលោក អ៊ិន សុភិន អគ្គនាយកផលិតកម្មមហាហង្សផ្ទាល់តែតែម្ដង ដោយក្នុងនោះ កែវ ស្រីនាង សម្ដែងជាតួឯក ចំណែកឯ ភិន សុដាលីស បានត្រឹមតំណែងតួរងតែប៉ុណ្ណោះ។

ទាក់ទងការជ្រុះបាត់តំណែងតួឯកក្នុងផលិតកម្មខ្លួនលើកដំបូង ភិន សុដាលីស បានលើកឡើងថា ខ្លួនគ្មានអ្វីត្រូវព្រួយបារម្ភអំពីប្រជាប្រិយភាព ហើយមកប្រកាន់ឫកពាតួឯកតួរងនោះឡើយ អ្វីដែលសំខាន់ក្នុងរឿង "កាំបិតមុខពីរ" គឺនាងបានសម្ដែងជាមួយ កែវ ស្រីនាង ដែលជាIdol ខ្លួនស្រឡាញ់គាំទ្រតាំងពី១០ឆ្នាំមុនម្ល៉េះ។

ក្នុងទឹកមុខសប្បាយរីករាយ ភិន សុដាលីស រៀបរាប់ថា៖" ចាសនេះគឺជាលើកទី១របស់ខ្ញុំ ដែលសម្ដែងជាតួរង ហើយខ្ញុំអត់មានអីត្រូវប្រកាន់រឿងសម្ដែងតួឯក ឬ រងនោះទេ ហើយនេះក៏ជាលើកទី១ដែលខ្ញុំប៉ះដៃគូជាមួយបង កែវ ស្រីនាង ដូច្នេះខ្ញុំមានតែសប្បាយចិត្ត ដែលនាងខ្ញុំមានឱកាសបានសម្ដែងជាមួយគាត់ ព្រោះគាត់ជារៀមច្បងសិល្បៈមួយរូបដែលខ្ញុំគោរពស្រឡាញ់"។

រឿង "កាំបិតមុខពីរ" គឺជាខ្សែភាពយន្តភាគបែបមនោសញ្ចេតនាស្នេហាអូនបងមាន ៤៥ភាគ គ្រោងនឹងដំណើរការថតចាប់ពីថ្ងៃទី ៤ ខែ ឧសភា ឆ្នាំ២០១៨ នេះ។ ចូលរួមសម្ដែងដោយ លោក អូន ឧស្សាហ៍ កែវ ស្រីនាង អ៊ុន សិទ្ធា ភិន សុដាលីស ម៉ៅ គីមធីតា សឿន ផានផាភួងព្រមទាំងតារាសម្ដែងប្រុសស្រីជាច្រើនរូបផ្សេងទៀត៕