មុនប៉ះ U21 ទីម័រខានស្អែកគ្រូ U21 កម្ពុជាបង្ហាញទំនុកចិត្តទោះមិនសង្ឃឹម ម៉ាត់ ណូរុន បានលេង

2018-05-04 07:05:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិកម្ពុជាក្រោមអាយុ ២១ ឆ្នាំ នឹងត្រូវតទល់ជាមួយក្រុមជម្រើសជាតិ U21 ទីម័រខាងកើតនាវេលាម៉ោង ៧:១៥ នាទីល្ងាចក្នុងពានរង្វាន់ស្ដេចស៊ូលតង់ប្រទេសប្រ៊ុយណេ ដែលជាជំនួបផ្ដាច់ព្រ័ត្រ។

លោក ប្រាក់ សុវណ្ណារ៉ា

ទាក់ទងការប្រកួតផ្ដាច់ព្រ័ត្រស្អែកនេះលោក ប្រាក់ សុវណ្ណារ៉ា គ្រូបង្វឹក U21 កម្ពុជា បានឲ្យដឹងថា លោកពិតជាមានក្ដីរំពឹងក្នុងជួយកម្ពុជាឲ្យឈ្នះទីម័រខាងកើត ដើម្បីគ្រងជើងឯកពានខាងលើ។ ចំណុចដែលធ្វើឲ្យលោកមានក្ដីរំពឹងគឺ ដោយសារកម្លាំងចិត្តកីឡាករកម្ពុជា និងសមត្ថភាពកូនក្រុមមានភាពល្អប្រសើរមិនមានបញ្ហារបួស។

ជាមួយគ្នានោះលោកក៏មានការសោកស្ដាយ ដែល ម៉ាត់ ណូរុន មានភាគរយខ្ពស់ក្នុងការមិនបានជួយជម្រើសជាតិនាជំនួបដ៏សំខាន់មួយនេះ ដោយសារតែរបួសចង្កា។ ក្រុមជម្រើសជាតិ U21 កម្ពុជាឡើងមកកាន់វគ្គផ្ដាច់ព្រ័ត្រ ដោយសារទម្លាក់ក្រុមបាល់ទាត់ U21 មីយ៉ាន់ម៉ា ២-១ នៅវគ្គពាក់កណ្ដាលផ្ដាច់ព្រ័ត្រកាលពីថ្ងៃទី២ ខែឧសភា ឆ្នាំ២០១៨ ៕