Iniesta អាចអវត្តមាន El Clasico ប៉ះ Real Madrid ជាលើកចុងក្រោយ?

2018-05-04 08:11:14
ចំនួនមតិ 0 | ចំនួនចែករំលែក 0

ចន្លោះមិនឃើញ

FC Barcelona នឹងបើកទ្វារកីឡដ្ឋាន Camp Nou របស់ខ្លួនស្វាគមន៍ស្ដេច.ស Real Madrid សម្រាប់ជំនួប El Clasico នៅយប់ថ្ងៃអាទិត្យឈានចូលថ្ងៃច័ន្ទវេលាម៉ោង ១:៤៥នាទីរំលងអាធ្រាត្រ។

ការប្រកួតនេះហាក់មិនសំខាន់ដូច El Clasico មុនៗទេសម្រាប់ក្លឹបទាំងពីរ ដោយសារ Barca បានក្លាយជាជើងឯក La Liga រួចទៅហើយ ប៉ុន្តែសំខាន់សម្រាប់វីរបុរសអេស្ប៉ាញម្នាក់គឺ Andrés Iniesta ដោយសារវាជាការលេង El Clasico លើកចុងក្រោយរបស់គេ មុនពេលចាកចេញពី Barca នៅចុងរដូវកាល។

យ៉ាងណាមានការព្រួយបារម្ភថា Iniesta អាចអវត្តមាន El Clasico ចុងក្រោយនេះព្រោះមិនឃើញរូបគេទៅហ្វឹកហាត់ជាមួយមិត្តរួមក្រុមឯទៀតត្រៀមប៉ះ Real Madrid។ ខ្សែបម្រើវ័យ៣៣ឆ្នាំមានបញ្ហាកំភួនជើងតែរំពឹងថាអាចជាទាន់ប្រកួតនៅថ្ងៃអាទិត្យ។

Iniesta គឺជាអ្នកស៊ុតបញ្ចូលទីឲ្យអេស្ប៉ាញឈ្នះ ហូឡង់ហើយលើកពាន World Cup លើកដំបូងកាលពីឆ្នាំ២០១០។ El Mundo ផ្សាយថាកីឡាកររូបនេះនឹងរើសយកក្លឹបក្នុងប្រទេសចិនសម្រាប់បន្តអាជីព ដោយទទួលចំណូល ៨១លានអឺរ៉ូសម្រាប់ក្នុងត្រារយៈពេល៣ឆ្នាំ៕