គ្រូបង្វឹក Atletico Madrid រងការពិន័យមិនឲ្យចូលរួម វគ្គផ្តាច់ព្រ័ត្រ Europa League
- 2018-05-05 02:28:27
- ចំនួនមតិ 0 | ចំនួនចែករំលែក 0
គ្រូបង្វឹក Atletico Madrid រងការពិន័យមិនឲ្យចូលរួម វគ្គផ្តាច់ព្រ័ត្រ Europa League
ចន្លោះមិនឃើញ
អ្នកចាត់ការ Atletico Madrid លោក Diego Simeone ត្រូវបានហាមឃាត់ពី Uefa ៤ប្រកួតហើយនឹងត្រូវអវត្តមានពីនៅពេលកូនក្រុមលោកត្រូវប៉ះ Marseille នៅវគ្គផ្តាច់ព្រ័ត្រ Europa League នៅថ្ងៃទី១៦ ឧសភា ខាងមុខ។
Simeone ត្រូវបានរកឃើញថាមានកំហុសក្នុងការជេរប្រមាថមន្ត្រីលើទីលានអំឡុងការប្រកួត វគ្គពាក់កណ្តាលផ្តាច់ព្រ័ត្រជើងទី១នៅទឹកដី Arsenal។
ការពិន័យសម្រាប់ប្រកួតដំបូងរបស់គ្រូបង្វឹកវ័យ៤៨ឆ្នាំ ចាប់ផ្តើមរាប់តាំងពី Atletico Madrid បានទម្លាក់ក្រុមកាំភ្លើងធំនៅជើងទី២ដោយលទ្ធផលសរុប ២-១ កាលពីថ្ងៃព្រហស្បតិ៍។
វាមិនមែនជាលើកទី១ទេ ដែលគ្រូបង្វឹកសញ្ជាតិអាហ្សង់ទីនរូបនេះរងការពិន័យ ១២ ០០០ ដុល្លារ និង មិនឲ្យចូលទីលាន៤ប្រកួត។ នៅឆ្នាំ ២០១៤ លោកត្រូវបានសហព័ន្ធបាល់ទាត់អេស្ប៉ាញដាក់បម្រាម៨ប្រកួតមិនឲ្យចូលទីលាន និង ឆ្នាំ ២០១៦ ជាប់បម្រាម ៣ ប្រកួត ដែលការពិន័យទាំងនេះសុទ្ធសឹងតែមកពីអាកប្បកិរិយាច្រងេងច្រងាងរបស់លោក៕