Courtois និយាយយ៉ាងឡូយ ក្នុងការមិនផ្ទេរទៅកាន់ Real Madird
- 2018-05-05 02:40:07
- ចំនួនមតិ 0 | ចំនួនចែករំលែក 0
Courtois និយាយយ៉ាងឡូយ ក្នុងការមិនផ្ទេរទៅកាន់ Real Madird
ចន្លោះមិនឃើញ
អ្នកចាំទីជម្រើសទី១របស់ Chelsea និងជាអ្នកចាំទីឆ្នើមរបស់ បែលហ្សិក Courtois មិនបានចាប់អារម្មណ៍ចំពោះការផ្ទេរទៅកាន់អធិរាជស Real Madrid នារដូវកាលក្រោយឡើយ។
Courtois បានចំណាយពេល ៣ ឆ្នាំនៅក្លឹប Atletico Madrid ក្នុងលក្ខខណ្ឌខ្ចីជើង មុនពេលផ្លាស់មកកាន់តោខៀវវិញកាលឆ្នាំ២០១៤ ។ នេះជាហេតុផលមួយ ដែលនាំឲ្យគេគ្មានចំណាប់អារម្មណ៍ទៅលេងនៅអេស្ប៉ាញម្ដងទៀត។
អ្នកចាំទីកម្ពស់ ១.៩៩ ម៉ែត្ររូបនេះបាននិយាយថា ៖« ខ្ញុំមិនបានឃើញខ្លួនរបស់ខ្ញុំនៅ Real Madrid ទេ។ ខ្ញុំឃើញខ្លួនរបស់ខ្ញុំនៅ Chelsea។ ក្លឹបនេះបានចំណាយពេលរហូត ៦ ឆ្នាំ ដើម្បីតាមឃ្លាំមើលខ្ញុំកាលលេងនៅក្លឹបចាស់នាប្រទេស បែលហ្សិក ហើយបានផ្ដល់ឱកាសឲ្យខ្ញុំក្នុងការចូលរួមជាមួយពួកគេ»។
អ្នកចាំទីមានវ័យ ២៦ ឆ្នាំរូបនេះបន្ថែមថា «ខ្ញុំមានអារម្មណ៍ថា ខ្លួនរបស់ខ្ញុំជាកូនសោយ៉ាងសំខាន់នៅ Chelsea ។ ខ្ញុំពិតជាសប្បាយចិត្តនៅទីនេះ (Chelsea) ហើយខ្ញុំក៏មិនឃើញខ្លួនរបស់ខ្ញុំនៅកន្លែងផ្សេងទៀតដែរ»៕