គ្រូយោធាម្នាក់អាចនឹងជាប់ទោស ក្រោយធ្វើរឿងអាក្រក់១លើសិក្ខាកាមស្រី បង្ហោះហ្វេសប៊ុក

2018-05-06 06:25:37
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្ហាត់យោធាម្នាក់របស់ប្រទេសអង់គ្លេសកំពុងប្រឈមមុខនឹងតុលាការបន្ទាប់ពីបានធ្វើទុក្ខលើសិក្ខាកាមស្រី និង បានប្រើប្រាស់ទូរស័ព្ទដៃថតនាងយំ រួមនឹងការរំលោភបំពានដោយពាក្យសំដីក្នុងពេលហ្វឹកហាត់ រួចបង្ហោះវីដេអូនោះលើហ្វេសប៊ុកដែលមានអ្នកចូលមើលជាង ២៥០ ០០០ ដង។ នេះបើតាម Dailymail ចុះផ្សាយថ្ងៃនេះ។

វីដេអូរបស់នាងត្រូវបានគេចុច Like និង Share រាប់ពាន់ដងក្នុងរយៈពេល៣ថ្ងៃ។ នៅក្នុងវីដេអូនោះបង្ហាញថាសិក្ខាកាមស្រីដែលមើលទៅនឿយហត់អស់កម្លាំងលុតជង្គង់ពីមុខគ្រូបង្ហាត់យោធា ដែលបានគំហកដាក់នាងម្តងហើយម្តងទៀតក្នុងន័យជេរប្រមាថថានាង "ខ្សោយខ្លាំងណាស់ ឬ f****** weak”។

មានស្ត្រីប្រហែល ៧ ០០០ នាក់កំពុងបម្រើការជាទាហានពេញម៉ោងនៅប្រទេសអង់គ្លេស ហើយពួកគេត្រូវឆ្លងកាត់វគ្គបណ្ដុះបណ្ដាលមុននឹងអាចចូលរួមជាមួយកងវរសេនាធំថ្មើរជើងនៅប្រទេស អាហ្វហ្គានីស្ថាន។

លោក Johnny Mercer ជាមេទាហានដឹកនាំការប្រយុទ្ធជាមួយក្រុមតាលីបង់បានរិះគន់គ្រូបង្វឹកយោធាដែលបានបង្ហោះវីដេអូនេះ។ លោកនិយាយថា "ខ្ញុំធ្លាប់ដឹកនាំការហ្វឹកហាត់ក្រុមកុម្ម៉ង់ដូ ហើយវាជាអភ័យឯកសិទ្ធិរបស់បុគ្គលម្នាក់ៗ និង អ្វីដែលយើងត្រូវដឹងពីបុគ្គលិកលក្ខណៈផ្សេងៗគ្នារបស់ពួកគេ។ ខ្ញុំមិនដែលគិតអំពីការថត ហើយបង្ហោះវីដេអូ យ៉ាងណាក្តីវាគឺជាការរំលោភសេចក្ដីទុកចិត្ត និង ការគោរពចំពោះបុគ្គលម្នាក់ៗ"។

ប៉ុន្តែវីដេអូរបស់គ្រូយោធាដែលបានបង្ហោះនៅលើ Facebook page មានឈ្មោះ Forces Bible បានការពារលោកគ្រូ ដោយបានលើកឡើងថា ការដាក់ពិន័យរបស់គ្រូបង្ហាត់បន្ទាប់ពីនាងសម្រក់ទឹកភ្នែក ហើយ លោកគ្រូថែមទាំងបង្ហាញការអាណិតអាសូរដល់សិស្ស និង ជំរុញឲ្យនាងគិតថានាងនឹងអាចហ្វឹកហាត់បានដោយជោគជ័យ។ ប្រភពខាងលើបន្ត។

ទាំងអត្តសញ្ញាណរបស់គ្រូនិងសិស្សយោធាខាងលើមិនត្រូវបានគេបង្ហាញឡើយ ប៉ុន្តែប្រសិនបើតុលាការរកឃើញថាមានកំហុសមែន គ្រូបង្វឹកយោធានឹងត្រូវដកហូតតំណែង និង ទទួលទោសយោធាទៅតាមច្បាប់កំណត់៕

ប្រភព៖ Dailymail ប្រែសម្រួល៖ សុខ លាងហ៊ត

ពាក្យទាក់ទង

ជីវិតតស៊ូ

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

ដឹងអត់! ភាគច្រើនបញ្ហា ៥យ៉ាងនេះហើយដែលធ្វើឱ្យឡានចេញ Check

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

អត្ថបទថ្មី

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ