បុរសចិត្តខ្លាំងផ្ញើ Email ទៅអ្នកមានបំផុតក្នុងលោក ឲ្យជួយរកកូនឆ្កែដែលបាត់

2018-05-08 01:39:23
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Richard Guttfield ម្ចាស់អាជីវកម្មបោះពុម្ពមួយកន្លែងស្ថិតក្នុងចក្រភពអង់គ្លេស បានប្រាប់សារព័ត៌មាន The Sun ថាកូនឆ្កែពណ៌សូកូឡារបស់ខ្លួនមានឈ្មោះ Wilma បានបាត់ខ្លួន និងសង្ស័យទំនងជាដោយជាមួយរថយន្តដឹកទំនិញក្រោយអ្នកបើកបរទម្លាក់ចំណីអាហារសត្វរបស់ក្រុមហ៊ុន Amazon។

បុរសវ័យ ៥១ ឆ្នាំ ដំបូងឡើយបានជូនដំណឹងទៅក្រុមហ៊ុនផ្ទាល់ជុំវិញបញ្ហានេះ ប៉ុន្តែហាក់មិនទទួលការឆ្លើយតប លុះក្រោយមកទាល់តម្រិះក៏សម្រេចចិត្តផ្ញើ Email ទៅ CEO ក្រុមហ៊ុនលោក Jeff Bezos ឲ្យជួយដោះស្រាយ (jeff@amazon.com) ហើយមិនយូរប៉ុន្មានសេដ្ឋីមានបំផុតក្នុងលោករូបនេះ ក៏សម្រេចបំបែកបញ្ហាស្មុគស្មាញជូនបុរសនោះបានដោយជោគជ័យ។

ដោយខាងក្រុមហ៊ុនបានប្រើប្រព័ន្ធ GPS ក្នុងការចាប់ទីតាំងរថយន្តដឹកទំនិញអំឡុងពេលកូនឆ្កែអាយុ ១១ ខែបាត់ ហើយរកឃើញថាអ្នកបើកបរមានឈ្មោះ Rob Levy ជាអ្នកកាន់ស្តុក ប៉ុន្តែគ្រាន់ជាបណ្តាញបុគ្គលិកផ្នែកដឹកជញ្ជូនក្រៅផ្លូវការរបស់ Amazon តែប៉ុណ្ណោះ។

លុះដល់ថ្ងៃទី ៣ ឧសភា ក្រោយរកកូនឆ្កែឃើញ លោក Guttfield បានបង្ហោះសារលើ Facebook ភ្លាមៗដូច្នោះថា៖ "Wilma បានត្រលប់មកផ្ទះវិញហើយ នាងត្រូវបានអ្នកដឹកជញ្ជូនលួចចាប់យកទៅអំឡុងពេលលើកទំនិញចូលក្នុងផ្ទះរបស់ខ្ញុំ"។