រវាង Real និង Bayern មួយណាកំពុងទាក់ចិត្ត James ខ្លាំងនៅពេលនេះ?
- 2018-05-07 11:53:48
- ចំនួនមតិ 0 | ចំនួនចែករំលែក 0
រវាង Real និង Bayern មួយណាកំពុងទាក់ចិត្ត James ខ្លាំងនៅពេលនេះ?
ចន្លោះមិនឃើញ
ខ្សែបម្រើ James Rodriguez សង្ឃឹមថា ខ្លួននឹងបន្តលេងឲ្យក្លឹប Bayern Munich។
ថ្លែងក្រោយប្រកួត Bayern ឈ្នះCologne ៣-១ កាលពីចុងសប្ដាហ៍កន្លងទៅនេះ កីឡាករកូឡុំប៊ីបានសារភាពថា៖ "លីគអាល្លឺម៉ង់ ពិតជាលីគល្អមែន។ នៅកីឡដ្ឋាន តែងមានអ្នកមកមើលពេញជានិច្ច។ ខ្ញុំមានអារម្មណ៍ល្អក្នុងការលេងឲ្យក្លឹប Bayern ហើយខ្ញុំសង្ឃឹមថា នឹងបន្តលេងឲ្យក្លឹបមួយនេះ នាពេលខាងមុខទៀត"។
James ស៊ុតចូល ៧ គ្រាប់ និង បញ្ជូនគ្រាប់បាល់ឲ្យមិត្តរួមក្រុមស៊ុតសរុប ១១ លើកហើយ ក្នុងការបង្ហាញខ្លួនចំនួន ២២ ប្រកួតលីគឲ្យក្លឹបយក្សអាល្លឺម៉ង់។
សម្ដីរបស់ខ្សែបម្រើប្រយុទ្ធកូឡុំប៊ី ធ្វើឡើង ១ ខែប៉ុណ្ណោះ ក្រោយនាយកប្រតិបត្តិក្លឹប Bayern លោក Karl-Heinz Rummenigge បានបញ្ជាក់ច្បាស់ថា ក្នុងកិច្ចព្រមព្រៀងខ្ចីជើង James ពី Real Madrid រយៈពេល ២រដូវកាល មានលក្ខខណ្ឌមួយដែលបានចែងថា Bayern មានសិទ្ធិទិញដាច់កីឡាករ ក្នុងតម្លៃ ៤២ លានអឺរ៉ូ (ជាង ៥០ លានដុល្លារសហរដ្ឋអាមេរិក)។ ទោះជាយ៉ាងណា ថ្នាក់ដឹកនាំក្លឹបយក្សអាល្លឺម៉ង់ បានសង្កត់ធ្ងន់ថា ក្លឹបមិនទាន់ប្រញាប់នៅឡើយទេ ក្នុងការធ្វើបែបនេះ។
គួររម្លឹកផងដែរថា កាលពីឆ្នាំ ២០១៧ James Rodriguez បានចាកចេញពី Real Madrid មកចូលរួម Bayern ក្នុងនាមជាកីឡាករខ្ចីជើង ក្រោយកីឡាករកូឡុំប៊ីមិនសូវបានចូលលេងទៀងទាត់នៅក្លឹបអេស្ប៉ាញក្រោមការដឹកនាំរបស់លោកអ្នកចាត់ការ Zinedine Zidane៕