ទើបចប់ព្រឹត្តិការណ៍ដំបូងក្ដៅៗ ក្រុមយុវជនស្ម័គ្រចិត្តនេះប្រកាសបន្តធ្វើកម្មវិធីវប្បធម៌តាមសាលាផ្សេងទៀតលំដាប់ប្រទេស
- 2018-05-09 04:12:00
- ចំនួនមតិ 0 | ចំនួនចែករំលែក 0
ទើបចប់ព្រឹត្តិការណ៍ដំបូងក្ដៅៗ ក្រុមយុវជនស្ម័គ្រចិត្តនេះប្រកាសបន្តធ្វើកម្មវិធីវប្បធម៌តាមសាលាផ្សេងទៀតលំដាប់ប្រទេស
ចន្លោះមិនឃើញ
កាលពីថ្ងៃអាទិត្យ ទី៦ ឧសភាកន្លងទៅនេះ ក្រុមនិស្សិតស្ម័គ្រចិត្តនៃសាកលវិទ្យាល័យបញ្ញាសាស្ត្រកម្ពុជាបានរៀបចំកម្មវិធីវប្បធម៌មួយក្រោមប្រធានបទ "យុវជន និងវប្បធម៌" ក្នុងបរិវេណវិទ្យាល័យ ព្រះស៊ីសុវត្ថិដោយមានវត្តមានគណៈអធិបតីជាចូលរួមច្រើនដូចជា សាស្ត្រាចារ្យ សំបូរ មាណ្ណារ៉ា ឯកឧត្ដមបណ្ឌិត គាំ រីបូន និងនាយករង អ៊ីវ សៅសុខា។ កម្មវិធីនេះមានអ្នកចូលរួមប្រមាណ៥០០នាក់ ដែលក្នុងនោះរួមមានយុវជន កុមារ មនុស្សចាស់ ព្រះសង្ឃ និងជនបរទេសទៀតផង។
ក្រៅពីផ្តល់នូវចំណេះដឹងបន្ថែមពីវប្បធម៌ខ្មែរ អ្នកចូលរួមថែមទាំងបានទស្សនារបាំបុរាណខ្មែរជាច្រើន ដូចជាចាប៉ីដងវែង ការសម្ដែងក្បាច់គុនល្បុក្កតោខ្មែរ ចម្រៀងប្រពៃណី ការសម្ដែងរឿង "ពានរពារាណសី" និងការលេងល្បែងកម្សាន្តផងដែរ។
អ្នករៀបចំកម្មវិធី កញ្ញា ឯល ចរិយា បានរៀបរាប់ថា កញ្ញាពិតជារំភើបរីករាយក្នុងការធ្វើកម្មវិធីលើកស្ទួយវប្បធម៌ខ្មែរ ហើយកញ្ញាសង្ឃឹមថា នាពេលឆាប់ៗខាងមុខក្រុមការងារខ្លួននឹងអាចរៀបចំកម្មវិធីបែបនេះថែមទៀតនៅតាមបណ្ដាវិទ្យាល័យផ្សេងៗទូទាំងកម្ពុជា ដោយសន្យាផ្ដល់ជូននូវទស្សនីយភាពប្លែកៗ ថ្មីៗ ជាចំណេះដឹស្ដីពីវប្បធម៌ខ្មែរជូនដល់បងប្អូនយុវវ័យជំនាន់ក្រោយដើម្បីឲ្យស្គាល់ខ្លួនឯងកាន់តែច្បាស់៕