Amazon អភិវឌ្ឍបច្ចេកវិទ្យាថ្មី បើជោគជ័យអ្នកលែងទិញខោអាវលើ Online ខុសទំហំទៀតហើយ
- 2018-05-09 01:28:27
- ចំនួនមតិ 0 | ចំនួនចែករំលែក 0
Amazon អភិវឌ្ឍបច្ចេកវិទ្យាថ្មី បើជោគជ័យអ្នកលែងទិញខោអាវលើ Online ខុសទំហំទៀតហើយ
ចន្លោះមិនឃើញ
ក្រុមហ៊ុនលក់ចែកចាយទំនិញ Online ធំបំផុតក្នុងលោក Amazon បានកំពុងសម្ងំអភិវឌ្ឍនូវបច្ចេកវិទ្យាពិសេស ដែលប្រមូលក្រុមអ្នកស្ម័គ្រចិត្តឲ្យមកការិយាល័យនៅទីក្រុង New York រៀងរាល់ ២ ដងក្នុងមួយខែ ឲ្យបានរយៈពេល ២០ សប្តាហ៍ពេញ ដើម្បីសិក្សាឲ្យស៊ីជម្រៅពីការប្រែប្រួលនៃខ្លួនប្រាណមនុស្ស។
ទិន្នន័យទាំងអំបាលម៉ាននឹងឆ្លងកាត់ចូលប្រព័ន្ធត្រួតពិនិត្យកុំព្យូទ័ររបស់ក្រុមហ៊ុន Body Labs ដែលក្រុមហ៊ុនលោក Jeff Bezos ទើបទិញយកបាននាពេលកន្លងទៅ។
ក្រោយអ្នកស្ម័គ្រចិត្តបញ្ចប់ភារកិច្ចហើយ នោះនឹងទទួលបាន Gift Card ទិញទំនិញលើ Amazon ផ្ទាល់ មានតម្លៃស្មើ ២៥០ ដុល្លារ ។ ដំណើរការអភិវឌ្ឍនេះសោតដើម្បីប្រាកដថាការជ្រើសរើសទិញសំលៀកបំពាក់លើ Online របស់អតិថិជន នឹងអាចរើសយកទំហំសមល្មមទៅនឹងដងខ្លួន ក្នុងការចូលរួមកាត់បន្ថយទំនិញដែលអ្នកទិញរមែងផ្ញើត្រលប់មកប្តូរវិញ។
បច្ចេកវិទ្យានេះនឹងតម្រូវឲ្យអ្នកប្រើ ផ្ញើនូវរូបភាពឬវីដេអូនៃដងខ្លួនរបស់ពួកគេ ហើយ Upload ចូលទៅក្នុង Sever របស់ក្រុមហ៊ុន ហើយប្រព័ន្ធស្កេន 3D នឹងចាប់ផ្តើមធ្វើការពីចំណុចតូចៗដូចជាត្រគាករហូតដល់ជើង ប៉ុន្តែតាមការសង្កត់ធ្ងន់ពី Body Labs បានឲ្យដឹងថា៖ " SOMA Shape API អាចសន្មត់យកទិន្នន័យតួខ្លួនរបស់មនុស្សដោយប្រើត្រឹមរូបភាពមួយសន្លឹកប៉ុណ្ណោះ"៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ចេញរាងផ្លូវការទូរសព្ទក្បាលឆកមួយទៀត ប្រកាសថ្ងៃ ១៦ ខែនេះ
កូនពៅ P20 Lite រាងចង់អេមជាង iPhone X តែតម្លៃវិញខុសគ្នាមិនចេះតិច