ពិតអត់! ពីមុន សុះ ស៊ូហាណា ជាកូនសិស្សសំណព្វរបស់លោក Lee Tae Hoon ?

2018-05-09 08:34:26
ចំនួនមតិ 0 | ចំនួនចែករំលែក 0

ចន្លោះមិនឃើញ

សុះ ស៊ូហាណា ជារឿយៗត្រូវបានគេឃើញបង្ហាញខ្លួនក្នុងក្រុមជម្រើសជាតិ និងតែងបានលេងជាជម្រើសដំបូងសឹងគ្រប់ប្រកួតកាលកម្ពុជាស្ថិតក្រោមការដឹកនាំរបស់លោក Lee Tae Hoon។ ប៉ុន្តែអ្នកគាំទ្រប្រហែលមិនដឹងច្បាស់ពីភាពល្អឥតខ្ចោះរបស់កីឡាកររូបនេះ រហូតធ្វើឲ្យរូបគេក្លាយជាកីឡាករសំណព្វរបស់គ្រូបង្វឹកសញ្ជាតិកូរ៉េខាងត្បូង?

សុះ ស៊ូហាណា

ប្រភពជិតស្និតមួយរបស់ ស៊ូហាណា បានទម្លាយឲ្យដឹងថា កីឡាករខ្មែរ-ឥស្លាមរូបនេះ ជាកូនសិស្សសំណព្វរបស់លោក Lee Tae Hoon ។ ហាណា មិនដែលធ្វើឲ្យលោក Lee ទាស់ចិត្តឡើយ មិនថា ក្នុងពេលកំពុងហ្វឹកហាត់ ឬកម្មវិធីប្រកួតធំៗ ពិសេសគឺរូបគេបង្ហាញខ្លួនបានល្អនៅតំបន់កណ្ដាល និងលេងដោយយកចិត្តទុកដាក់ ព្រមទាំងស្ដាប់គ្រូជានិច្ច។

សុះ ស៊ូហាណា កាលពីពេលថ្មីៗ នេះបានជួយក្រុមជម្រើសជាតិកម្ពុជាក្រោមអាយុ ២១ ឆ្នាំឡើងដល់វគ្គផ្ដាច់ព្រ័ត្រ ក្នុងពានស្ដេចប្រ៊ុយណេ។ កីឡាកររូបនេះបានទាត់បញ្ចូលទីដៃគូបានពីរគ្រាប់ និងបញ្ជូនបាល់ឲ្យមិត្តរួមក្រុមទាត់បញ្ចូលទីបានចំនួន ២ គ្រាប់ក្នុងការបង្ហាញខ្លួនបាន ៤ ប្រកួតក្នុងពានមួយនេះ៕