មូលហេតុមួយ ដេកមិនលក់រាល់យប់ ដើមហេតុអាចមកពីទូរសព្ទ
- 2018-05-10 02:43:43
- ចំនួនមតិ 0 | ចំនួនចែករំលែក 0
មូលហេតុមួយ ដេកមិនលក់រាល់យប់ ដើមហេតុអាចមកពីទូរសព្ទ
ចន្លោះមិនឃើញ
អាយុច្រើន ការគិតក៏ច្រើន ជាពិសេសអ្នកមានគ្រួសារ បូកផ្សំនឹងភាពរីកចម្រើនបច្ចេកវិទ្យាជុំវិញខ្លួន (ដូចជាស្មាតហ្វូនជាដើម) អាចធ្វើឲ្យប្រសិទ្ធភាពការគេងចុះថយ មិនងាយងងុយគេង ធ្វើឲ្យការគេងមិនគ្រប់គ្រាន់ សុខភាពក៏តាមនោះដែរ។
បន្ថយកម្រិតពន្លឺលើអេក្រង់
ការមិនងាយងងុយគេង អាចបណ្ដាលមកពីពន្លឺពណ៌ខៀវបញ្ចេញដោយអេក្រង់ទូរសព្ទ កុំព្យូទ័រ ឬទូរទស្សន៍ អាចបញ្ឆោតខួរក្បាលគិតថានៅថ្ងៃនៅឡើយ។
អាចបន្ថយកម្រិតពន្លឺ ធ្វើឲ្យមានលក្ខណៈស្រទំដោយប្រើមុខងារ Night Shift ឬកម្មវិធី F.lux ជំនួយ បើបន្ទប់អ្នកប្រើអំពូលឆ្លាតវៃ អាចបន្ថយកម្រិតពន្លឺបាន។
ស្ដាប់តន្ត្រី ដើម្បីឲ្យភ្នែកសម្រាក
លើ Youtube មានវីដេអូតន្ត្រីជាច្រើន អាចសម្លឹងមើលតាមទូរសព្ទ។ ជំនួសឲ្យការប្រើទូរសព្ទ អាចប្រើ Smart speaker ស្ដាប់តន្ត្រី ឬស្ដាប់វិទ្យុតាមទូរសព្ទចុចពិល ជារួមស្ដាប់សំឡេងជំនួស ដើម្បីបន្ធូរភាពតានតឹងដល់ភ្នែក។
សំឡេងរំខានបែបធម្មជាតិតិចៗ
ពេលត្រៀមបិទភ្នែកគេង អាចចាក់តន្ត្រីមានសំឡេងរំខានបែបធម្មជាតិតិចៗ ដូចជាទឹកហូរ សត្វចាបច្រៀង ឬខ្យល់ ដោយកំណត់រយៈពេលលេង និងបញ្ឈប់តន្ត្រី អាច ៣០ ទៅ ៤៥ នាទី។
ទុកទូរសព្ទចោលមួយឡែក
ភាគច្រើន ប្រហែលដាក់ទូរសព្ទនៅក្បាលដំណេក ដាស់ឲ្យភ្ញាក់ព្រឹកព្រលឹម ហើយក៏ប្រហែលអាចក្រោកមើលពិនិត្យ Notification ពាក់កណ្ដាលយប់ក៏ថាបាន។
បើមាននាឡិការោទ៍ ឬ Smart speaker អាចកំណត់ម៉ោងរោទ៍ ដាក់ឲ្យភ្ញាក់ជំនួសវិញ នេះអាចបង្ការអ្នកបើកមើលបណ្ដាញសង្គមនានា ឬដាក់ភ្ញាក់ពាក់កណ្ដាលយប់ត្រឹមមើល Notification។
តាមដានដំណេក
អ្នកប្រហែលគេងបានគ្រប់គ្រាន់ តែអាចមិនមានប្រសិទ្ធភាព។ ឧបករណ៍ Fitness tracker ដូចជា Fitbits អាចតាមដានដំណេកបាន គ្រាន់តែពាក់ពេលចូលគេង អាចតាមដានដឹងរយៈពេលបានគេងស្ងប់ និងភ្ញាក់ប៉ុន្មានដង។
ផ្លាស់ប្ដូរសីតុណ្ហភាព
សីតុណ្ហភាពត្រជាក់ ឬក្ដៅពេក អាចពិបាកដល់ការគេង អាចបន្ថយ ឬបន្ថែមសីតុណ្ហភាពសមល្មម បូកផ្សំនឹងការបន្ថយ ឬបិទពន្លឺក្នុងបន្ទប់ អាចឲ្យអ្នកគេងបានងាយស្រួល។
ភ្ញាក់តាមធម្មតា
ចំណុចរំខានការគេងស្ងប់គឺ សំឡេងរំខាន ម៉ោងរោទ៍លឺខ្លាំង។ អ្នកអាចកំណត់ចំនួនម៉ោងទូទៅ បានគេង និងភ្ញាក់ដោយមិនសូវងងុយ ធម្មតាអាច ៦ ទៅ ៧ម៉ោង៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ