Juventus បំបាក់ AC ៤គ្រាប់លើកពានធំទីពីររបស់អ៊ីតាលី
- 2018-05-10 02:49:59
- ចំនួនមតិ 0 | ចំនួនចែករំលែក 0
Juventus បំបាក់ AC ៤គ្រាប់លើកពានធំទីពីររបស់អ៊ីតាលី
ចន្លោះមិនឃើញ
Juventus ស៊ី AC Milan មិនប្រណីដៃដោយលទ្ធផល ៤ទល់នឹង០ក្នុងការប្រកួត Coppa Italia វគ្គផ្ដាច់ព្រ័ត្រកាលពីយប់មិញ។
ជ័យជម្នះនៅកីឡដ្ឋាន Stadio Olimpico ធ្វើឲ្យក្រុមរហស្សនាមថាសេះបង្កង់លើកពានធំទីពីររបស់អ៊ីតាលីនេះជាលើកទី៤រដូវកាលជាប់ៗគ្នា។ ជំនួបយប់មិញក្រុមទាំងពីរគ្មានការស៊ុតបញ្ចូលទីគ្នានោះទេនៅវគ្គទីមួយ រហូតដល់វគ្គទីពីរនាទី ៥៦ Dybala បានលើកបាល់ឲ្យ Benatia តែតបញ្ចូលទី១គ្រាប់ មុនពេលខ្សែការពារកណ្ដាលរូបនេះបន្ថែម១គ្រាប់ទៀតនាទី៦៤។
លុះដល់នាទី៦១ Douglas Costa បានបន្ថែមគ្រាប់ទីបីឲ្យក្រុមលោក Allegri កាន់តែកក់ក្ដៅ ហើយនៅនាទី៧៦ ខ្សែប្រយុទ្ធ Kalinic បានធ្វើឲ្យបាល់ចូលទីខ្លួនឯងធ្វើឲ្យ Juventus ឈ្នះដោយលទ្ធផល ៤-០។ Juventus ត្រូវការត្រឹម១ពិន្ទុទៀតប៉ុណ្ណោះពី ២ប្រកួតដែលនៅសល់ដើម្បីការពារតំណែងជើងឯក Serie A របស់ខ្លួន៕