សារមេេរោគមួយ ដាច់ខាតអ្នកប្រើ iPhone កុំបើកមើលឲ្យសោះប្រយ័ត្នធ្ងន់ក (មានវីដេអូ)
- 2018-05-10 08:52:59
- ចំនួនមតិ 0 | ចំនួនចែករំលែក 0
សារមេេរោគមួយ ដាច់ខាតអ្នកប្រើ iPhone កុំបើកមើលឲ្យសោះប្រយ័ត្នធ្ងន់ក (មានវីដេអូ)
ចន្លោះមិនឃើញ
ថ្មីៗនេះ ក្រុមការងារ EverythingApplePro បានរកឃើញនូវកំហុសឆ្គង (Bug) ដែលអាចធ្វើឲ្យកម្មវិធីផ្ញើសាររបស់ iPhone គាំងជាប់ប្រើលែងកើតតែម្ដងទោះបី ជាបិទបើកទូរសព្ទហើយក៏ដោយ។
Bug នេះមានឈ្មោះថា "Black Dot” ដែលវាមានកំណើតឡើងនៅក្នុងប្រទេសឥណ្ឌា នៅពេលដែលអ្នកចង់ឲ្យកម្មវិធី Whatsapp របស់នរណាម្នាក់គាំងនោះអ្នកគ្រាន់តែផ្ញើ Black dot នេះទៅ សូម្បីតែ Whatsapp លើ Android ក៏គាំងដែរ។
Black Dot ជាសារដែលអ្នកអាចឃើញ រង្វង់ពណ៌ខ្មៅមួយ (●) នោះចន្លោះសញ្ញាតូចជាង(<) និង ធំជាង (>) និងសញ្ញាដៃចង្អុលមកខាងឆ្វេង ដូចក្នុងរួបខាងក្រោមនេះ៖
ហេតុផលដែលសារមួយនេះអាចធ្វើឲ្យគាំងទូរសព្ទ iPhone បានដោយសារតែ រូបសញ្ញាទាំងនោះ មានតួអក្សរ Unicode ជាច្រើនរាប់មិនអស់ដែលយើងមើលមិនឃើញ ដើម្បីផ្គំវាចេញមក ជាហេតុធ្វើឲ្យ CPU របស់ទូរសព្ទគាំងដើរមិនរួច។
ប៉ុន្ដែ bug នេះក៏មានវិធីដោះស្រាយដែរ ចំពោះអ្នកដែលប្រើ iPhone ស៊េរីចាប់ពី 6s ឡើង ដោយប្រើបច្ចេកវិទ្យា 3D Touch លើកម្មវិធី Message ហើយជ្រើសយក New Message ដើម្បីបង្កើតជាសារថ្មី។ ការធ្វើបែបនេះគឺដើម្បីឲ្យយើងអាចចូលទៅក្នុងកម្មវិធី Message វិញ។ ក្រោយពីចូលបានហើយ យើង cancel សារថ្មីនោះ ហើយវានឹងលោតចូលមកផ្ទាំងសារទាំងអស់វិញ។ មកដល់ដំណាក់កាលនេះ អ្នកអាចអូសលើសារដែលមាន bug នោះពីស្ដាំមកឆ្វេង ហើយរើសយកពាក្យ delete ដើម្បីលុបសារនោះក្រោយជាការស្រេច។
ចំណាំ ៖ ប្រសិនបើអ្នកបានទទួលសារបែបនោះ ហើយវាលោតចូលមក Notification របស់អ្នក អ្នកមិនត្រូវចុចលើសារនោះភ្លាមៗទេ។ អ្នកអាចចូលតាមសម្រួលតាមកម្មវិធី Message ហើយលុបសារនោះចោលតែម្ដងទៅ ជាជាងឲ្យទូរសព្ទគាំងដែរ៕
ចុចអាន៖