Chelsea Liverpool នៅមានឱកាស Top 4 ដូចគ្នាអាស្រ័យលើប្រកួតចុងក្រោយនេះ
- 2018-05-13 07:57:53
- ចំនួនមតិ 0 | ចំនួនចែករំលែក 0
Chelsea Liverpool នៅមានឱកាស Top 4 ដូចគ្នាអាស្រ័យលើប្រកួតចុងក្រោយនេះ
ចន្លោះមិនឃើញ
អតីតម្ចាស់ពាន Premier Leaguge ក្លឹប Chelsea កំពុងតាមពីក្រោយ Liverpool តែ២ពិន្ទុប៉ុណ្ណោះនៅសប្ដាហ៍ទី៣៧នេះ ខណៈដែលថ្ងៃអាទិត្យនេះគឺជាសប្ដាហ៍ចុងក្រោយសម្រាប់ក្របខ័ណ្ឌបាល់ទាត់កំពូលអង់គ្លេសដើម្បីកាត់សេចក្តីថាតើ Chelsea ឬ Liverpool អាចបាន Top 4 ទៅប្រកួតChampions League រដូវកាលក្រោយ ។
ប៉ុន្តែភាគរយដែលក្លឹបតោខៀវអាចបាន Top 4 មានតែ២លក្ខខ័ណ្ឌប៉ុណ្ណោះ ទី១ ម្ចាស់ផ្ទះ Liverpool ត្រូវតែចាញ់ Brighton ដាច់ខាត ទី២ Chelsea ត្រូវតែឈ្នះក្រុមម្ចាស់ផ្ទះ Newcastle ដាច់ខាត។ តែលក្ខខ័ណ្ឌដាច់ខាតទាំង២នេះទំនងជាមិនអាចកើតឡើងព្រមគ្នាបានឡើយ។
បច្ចុប្បន្នតោខៀវ Chelsea មាន៧០ពិន្ទុ ខណៈហង្សក្រហម Liverpool មាន៧២ពិន្ទុ តែបើទោះជា Liverpool ត្រឹមស្មើ ហើយ Chelsea ឈ្នះ ក៏ក្រុមលោក Klopp នៅតែបានឡើងទៅកាន់ Top 4 នៃតារាង Premier Leaguge ដដែល ព្រោះគ្រាប់បាល់ចំណេញ Liverpool លើស Chelsea ដល់ទៅ១៥គ្រាប់។
ក្លឹបទាំង២នៅមានភារកិច្ចសំខាន់ដូចៗគ្នា ដោយតោខៀវនឹងត្រូវបើកឆាកប្រយុទ្ធទល់នឹងបិសាចក្រហម វគ្គផ្ដាច់ព្រ័ត្រ FA Cup នៅថ្ងៃទី ១៩ ឧសភា ខណៈ ហង្សក្រហម ត្រូវទៅដណ្ដើមពានទ្វីបអឺរ៉ុប Champions League ពីអតីតជើងឯកចាស់អធិរាជស នៅថ្ងៃទី ២៧ ខែឧសភា នេះដែរ៕