ល្អណាស់! ខេត្តមណ្ឌលគិរី មានសួនអំបូរសត្វព្រៃដ៏ធំមួយឲ្យកូនខ្មែរបានស្គាល់
- 2018-05-14 09:27:01
- ចំនួនមតិ 0 | ចំនួនចែករំលែក 0
ល្អណាស់! ខេត្តមណ្ឌលគិរី មានសួនអំបូរសត្វព្រៃដ៏ធំមួយឲ្យកូនខ្មែរបានស្គាល់
ចន្លោះមិនឃើញ
ខេត្តមណ្ឌលគិរី ជាខេត្តមួយសម្បូរសត្វព្រៃគ្រប់ប្រភេទរស់នៅច្រើនយ៉ាងណាក្តី ប៉ុន្ដែថ្មីៗនេះ វិស័យឯកជនបានបង្កើតសួនសត្វ ដើម្បីចិញ្ចឹមអំបូរសត្វព្រៃមួយចំនួនបន្ថែមទៀត ដើម្បីងាយស្រួលក្នុងការទស្សនាក៏ដូចជាចូលរួមអភិរក្សអំបូរសត្វព្រៃនៅសល់តិចតួច ក្នុងដែនព្រៃការពារនោះ។
សួនសត្វមួយកន្លែងដែលមានទំហំផ្ទៃដីប្រមាណ១០ហិកតា បានបង្កើតឡើងរយៈពេលពីរឆ្នាំហើយ និងបាន ចិញ្ចឹមសត្វព្រៃប្រមាណ៥ប្រភេទ ចំនួនរាប់រយក្បាលក្រោម ការជួយឧបត្ថម្ភគាំពារពីមូលនិធិ មយូរ៉ា ការពារសត្វព្រៃ ដើម្បីចូលរួមអភិរក្ស និងការពារពូជ សត្វព្រៃក្នុងខេត្តមណ្ឌលគិរី ស្ថិតនៅឃុំពូជ្រៃ ស្រុកពេជ្រាដា ខេត្តមណ្ឌលគិរី។
គោលបំណងបង្កើតសួនសត្វនេះឡើង ដើម្បីការពារការគំរាមកំហែងរាល់ថ្ងៃ ពីការ បាញ់សម្លាប់ ឬកត្តានានា បណ្តាលឲ្យសត្វទាំងនេះឈាន ទៅរកភាពវិនាសផុតពូជ។ ទន្ទឹមនេះ ការចិញ្ចឹម នេះក៏សម្រាប់ទុកឲ្យប្រជាពលរដ្ឋ ជាពិសេស គឺក្មេងៗជំនាន់ក្រោយបានស្គាល់សត្វព្រៃដែលមានវត្តមាន នៅប្រទេសកម្ពុជា។ ជាមួយគ្នានេះ សួនសត្វព្រៃខាងលើមានការចិញ្ចឹមប្រភេទសត្វខុសៗគ្នាដូចជាប្រើសមាន ចំនួន៥ក្បាល ប្រើសផ្កាយចំនួន៣០ក្បាល ក្តាន់ចំនួន៨ក្បាល ឈ្លូលចំនួន៣ក្បាល ជ្រូក ព្រៃចំនួន ១០០ក្បាល ផងដែរ។
ឯកឧត្តម ស្វាយ សំអ៊ាង អភិបាលខេត្តមណ្ឌលគិរី បានមានប្រសាសន៏ថា ការចិញ្ចឹមសត្វនេះ វាមានសារៈសំខាន់ ណាស់ ព្រោះវាជាការរួមចំណែក ក្នុងការអភិរក្សសត្វព្រៃនៅក្នុង ខេត្ដរបស់យើង។ ឯកឧត្តមបានបន្ថែមថា “តំបន់នេះជាតំបន់ទេសចរណ៍ អ៊ីចឹង បើក្រៅតែពី ការដើរលេង កម្សាន្តនៅតាមរមណីយដ្ឋានហើយនោះ វាអត់មានអីក្រៅពីទស្សនាមើលព្រៃ មើលសត្វអ៊ីចឹងវាអាចធ្វើឱ្យផលប្រយោជន៍ដល់វិស័យទេសចរណ៍ សម្រាប់ទាក់ទាញភ្ញៀវ ទេសចរក្នុងខេត្តមណ្ឌលគិរីយើងនេះ”៕