អ្នកគាំទ្រ ១សែននាក់ ចូលរួមអបអរហែពានរបស់ Man City
- 2018-05-15 03:00:00
- ចំនួនមតិ 0 | ចំនួនចែករំលែក 0
អ្នកគាំទ្រ ១សែននាក់ ចូលរួមអបអរហែពានរបស់ Man City
ចន្លោះមិនឃើញ
ក្លឹប Manchester City បានបញ្ចប់រដូវកាលដោយលើកពានលីគកំពូលអង់គ្លេស English Premier League និងបានបំបែកកំណត់ត្រាជាច្រើន។
មានអ្នកគាំទ្រប្រមាណ១សែននាក់ក្នុងក្រុង Manchester បានចូលរួមអបអរការឈ្នះពានរបស់ក្លឹបមួយនេះ។ ចំនួនអ្នកគាំទ្រនេះដែរ ក៏បានបញ្ជាក់ថាក្រុមដែលដឹកនាំដោយលោក Pep កំពុងតែទទួលបានការគាំទ្រជាខ្លាំងពីសំណាក់អ្នកគាំទ្រ បើទោះជាមិនបានឈ្នះពានរង្វាន់ធំ UEFA Champions League យ៉ាងណាក៏ដោយ។
លោក Pep Guardiola បានដឹកនាំក្រុមបំបែកកំណត់ត្រាមួយចំនួននៅលីគកំពូលអង់គ្លេសដូចជា:
ជាក្រុមដំបូងក្នុងប្រវត្តិសាស្ត្រ Premier League ដែលរកបាន១០០ពិន្ទុ
ឈ្នះ៣២ប្រកួតពីការលេង ៣៨ប្រកួតនៅលីគ
បង្កើតកំណត់ត្រាឈ្នះ១៨ប្រកួតជាប់គ្នា
ស៊ុតបញ្ចូលទីគូប្រកួត១០៦គ្រាប់
មានគ្រាប់សំណល់ក្នុងដៃ៧៩គ្រាប់ (យកគ្រាប់ស៊ុតចូល ដកគ្រាប់របូត)
លើកពានដោយមានគម្លាតពិន្ទុ ១៩ពិន្ទុពីក្រុមលេខ២៕