មិត្តប្រុស Taylor Swift ទើបតែបង្ហាញខ្លួនផ្លូវការលើកដំបូងក្រោយទាក់ទងគ្នាបាន១ឆ្នាំ
- 2018-05-15 02:40:00
- ចំនួនមតិ 0 | ចំនួនចែករំលែក 0
មិត្តប្រុស Taylor Swift ទើបតែបង្ហាញខ្លួនផ្លូវការលើកដំបូងក្រោយទាក់ទងគ្នាបាន១ឆ្នាំ
ចន្លោះមិនឃើញ
តារាសម្ដែង Joe Alwyn ដែលត្រូវបានគេដឹងថា ជាសង្សាររបស់កំពូលតារាចម្រៀង Taylor Swift បានបង្ហាញខ្លួនជាលើកដំបូងក្នុងកម្មវិធី មហោស្រពភាពយន្ត Cannes Film Festival ឆ្នាំ ២០១៨ ដោយបានដើរលើកម្រាលព្រំក្រហម ដើម្បីចូលរួមការប្រគល់ពាន Trophee Chopard នៅទីនោះ។
តារារូបនេះបានស្លៀកពាក់ឈុតខ្មៅ ព្រមទាំងក្រវាត់កពណ៌ខ្មៅផងដែរ ដើម្បីមកទទួលពាន Chopard Trophy ក្នុងគោលបំណងកំណត់សម្គាល់ ដើម្បីកំណត់សម្គាល់នូវការមកដល់ជំនាន់ថ្មី នៃវិស័យភាពយន្តអន្តរជាតិ ដែលបានបង្ហាញខ្លួននៅតាមកញ្ចក់កុនរួចទៅហើយ។
ក្នុងឱកាសនោះលោកបានថ្លែងអំណរគុណដល់ អ្នកពាក់ព័ន្ធនឹងគម្រោងភាពយន្តថ្មីរបស់លោក ក៏ដូចជាកិត្តិយសដែលលោកបានជាប់ឈ្មោះដណ្ដើមពាននេះផងដែរ។
ដោយសារតែទំនាក់ទំនងរបស់លោកជាមួយ Taylor Swift បានធ្វើឲ្យមនុស្សជាច្រើនមិនបានដឹងថា លោកក៏ជាតារាសម្ដែងដ៏មានទេពកោសល្យម្នាក់ លោកនឹងបង្ហាញខ្លួននៅក្នុងរឿង "Mary Queen of Scots” ដែលសម្ដែងជាតួគូស្នេហ៍របស់ម្ចាស់ក្សត្រី Elizabeth II។ មិនត្រឹមតែប៉ុណ្ណោះ Joe ក៏នឹងសម្ដែងជាមួយតារាល្បីៗដូចជា Margot Robbie និង Saoirse Ronan សម្រាប់រឿងបែបមនោសញ្ជេតនាមួយចាប់ដាក់បញ្ចាំងនៅចក្រភពអង់គ្លេសនៅឆ្នាំ ២០១៩៕