ប្រទះឃើញដើមគគីរយក្សអាយុរាប់ពាន់ឆ្នាំ ផ្អើលអស់ពលរដ្ឋឃុំវិហារសួគ៌
- 2018-05-15 09:18:05
- ចំនួនមតិ 0 | ចំនួនចែករំលែក 0
ប្រទះឃើញដើមគគីរយក្សអាយុរាប់ពាន់ឆ្នាំ ផ្អើលអស់ពលរដ្ឋឃុំវិហារសួគ៌
ចន្លោះមិនឃើញ
ប្រជាពលរដ្ឋនៅក្នុងភូមិស្វាយមាស ឃុំវិហារសួគ៌ ស្រុកខ្សាច់កណ្តាល ខេត្តកណ្តាល បានប្រទះឃើញដើមគគីរយក្សខណៈកំពុងជីកដីធ្វើស្រះកាលពីថ្ងៃទី ១៤ ឧសភា ២០១៨។
ដើមគគីរនេះ ត្រូវបានប្រជាពលរដ្ឋខ្លះរៀបរាប់ថា មានអាយុកាលរាប់ពាន់ឆ្នាំ ព្រោះវាមានទំហំធំ និងមានប្រវែងជិត៣០ម៉ែត្រ ដែលកប់ក្នុងដីជម្រៅរហូតដល់ទៅ៤ម៉ែត្រ។ រីឯពលរដ្ឋមានផ្ទះនៅជិតនោះមិនដែលដឹងថាមានដើមគគីរដ៏ធំនេះឡើយ ពួកគេយល់ថា ប្រហែលជាដើមគគីរមួយនេះ បានហូររសាត់ពីណាមកទើរនៅតំបន់ឃុំវិហារសួគ៌នេះ ។
យ៉ាងណាមិញគ្រាន់តែជាការសន្និដ្ឋានរបស់ប្រជាពលរដ្ឋប៉ុណ្ណោះ ប៉ុន្តែនៅមិនទាន់មានក្រុមជំនាញណាមួយមកត្រួតពិនិត្យដើមគគីរ ដើម្បីវាយតម្លៃពីអាយុកាលប៉ុន្មានឆ្នាំ និងមានដើមកំណើតពីចេញណាឡើយ៕