ក្តៅៗ! កូរ៉េខាងជើង លុបចោលជំនួបកំពូល ជាមួយកូរ៉េខាងត្បូង

2018-05-16 01:35:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុងព្យុងយ៉ាង នៅថ្ងៃទី១៦ ខែឧសភា ២០១៨នេះ បានប្រកាសលុបចោលជំនួបចរចាកម្រិតខ្ពស់រវាងប្រទេសកូរ៉េទាំងពីរ ដោយសារការធ្វើសមយុទ្ធរួមគ្នា កំពុងត្រូវបានធ្វើឡើងដោយកងទ័ពអាកាសកូរ៉េខាងត្បូង និងអាមេរិក។

កូរ៉េខាងជើងបានចាត់ទុកសមយុទ្ធរួមគ្នានោះថា គឺជាសកម្មភាពបង្កជម្លោះដ៏ឈ្លើយ និងអាក្រក់មួយ។

ជាមួយគ្នានេះ កូរ៉េខាងជើងក៏បានរិះគន់សហរដ្ឋអាមេរិកផងដែរ។ កូរ៉េខាងជើង ថា "សហរដ្ឋអាមេរិកគួរតែគិតសាឡើងវិញពីជោគវាសនានៃជំនួបកំពូលរវាងអាមេរិក និងកូរ៉េខាងជើង"។

កូរ៉េខាងជើងបញ្ជាក់ថា "វាមានដែនកំណត់ទៅនឹងទំហំនៃសុច្ឆន្ទៈ និងឱកាស ដែលយើងអាចផ្ដល់ឲ្យបាន"។

សូមបញ្ជាក់ថា តាមការគ្រោងទុក នៅថ្ងៃទី១៦ ខែឧសភា ២០១៨នេះ គណៈប្រតិភូជាន់ខ្ពស់របស់ប្រទេសកូរ៉េទាំងពីរ នឹងត្រូវជួបពិភក្សាគ្នា នៅតំបន់គ្មានយោធា ពីយន្តការបន្ទាប់ ក្រោយជំនួបកំពូលរវាងប្រធានាធិបតីកូរ៉េខាងត្បូង មូន ចេអ៊ីន និងមេដឹកនាំកូរ៉េខាងជើង គីម ជុងអ៊ុន៕

ចុចអាន៖

ប្រភព៖ Kley Kley ប្រែសម្រួល៖ វាសនា