ច្បាស់ E-Sports មាន៦វិញ្ញាសាត្រូវបង្ហាញខ្លួនកីឡាទ្វីបអាស៊ីខាងមុខនេះ
- 2018-05-16 03:14:16
- ចំនួនមតិ 0 | ចំនួនចែករំលែក 0
ច្បាស់ E-Sports មាន៦វិញ្ញាសាត្រូវបង្ហាញខ្លួនកីឡាទ្វីបអាស៊ីខាងមុខនេះ
ចន្លោះមិនឃើញ
E-Sports ដែលជាកីឡាបច្ចេកវិទ្យាសម័យទំនើបនឹងបង្ហាញខ្លួនជាលើកដំបូងនៅក្នុងព្រឹត្តិការណ៍ធំលំដាប់ទ្វីបអាស៊ីគឺ Asian Games លើកទី១៨ ឆ្នាំ២០១៨ នៅទីក្រុងហ្សាការតា ប្រទេសឥណ្ឌូណេស៊ីពីថ្ងៃទី១៨ ខែសីហា ដល់ថ្ងៃទី២ ខែកញ្ញា។
សហព័ន្ធកីឡាអេឡិចត្រូនិកទ្វីបអាស៊ី (AESF)បានប្រកាសកាលពីថ្ងៃទី១៥ ខែឧសភា ឆ្នាំ២០១៨ថា សហព័ន្ធ និងគណៈកម្មាធិការរៀបចំការប្រកួតកីឡាទ្វីបអាស៊ី Asian Games បានសម្រេចដាក់កីឡាអេឡិចត្រូនិកដោយមាន៦វិញ្ញាសា។ វិញ្ញាសាទាំង៦បែងចែកជា២ប្រភេទគឺប្រភេទលេងជាក្រុម និងលេងទោល។ វិញ្ញាសាលេងជាក្រុមមាន League Of Legends (LOL), PES 2018 (Pro Evolution Soccer) និង Star Craft ខណៈវិញ្ញាសាលេងទោលគឺ Hearth Stone (Heroes of Warcraft), Clash Royale និង AOV (Arena of Valor)។
ការបង្ហាញខ្លួនជាលើកដំបូងនេះគឺគ្រាន់តែការប្រកួតសម្តែងផ្លូវការតែប៉ុណ្ណោះដោយមិនប្រកួតប្រជែងស្វែងរកមេដាយឡើយ ប៉ុន្តែការបើកផ្លូវឆ្ពោះទៅទៅកីឡាទ្វីបអាស៊ីឆ្នាំ២០២២ដែលប្រទេសចិនប្រកាសដាក់ឲ្យប្រកួតដណ្តើមមេដាយដូចកីឡាផ្សេងៗទៀតដែរនៅពេលប្រទេសនេះធ្វើម្ចាស់ផ្ទះ។
ការចុះឈ្មោះចូលរួមប្រកួតនៃកីឡា E-Sports តំណាងឲ្យប្រទេសនៅតំបន់អាស៊ីគឺនឹងចាប់ផ្តើមពីថ្ងៃទី៣១ ខែឧសភា ឆ្នាំ២០១៨៕