មកស្គាល់មហាសេដ្ឋីបច្ចេកវិទ្យាទាំង ១៩ រូប ប្រចាំឆ្នាំ ២០១៨
- 2018-05-16 10:21:20
- ចំនួនមតិ 0 | ចំនួនចែករំលែក 0
មកស្គាល់មហាសេដ្ឋីបច្ចេកវិទ្យាទាំង ១៩ រូប ប្រចាំឆ្នាំ ២០១៨
ចន្លោះមិនឃើញ
ក្នុងចំណោមមហាសេដ្ឋីទាំងអស់នៅលើពិភពលោក មានប្រហែល ២០ភាគរយទៅហើយ ដែលជាម្ចាស់ក្រុមហ៊ុនបច្ចេកវិទ្យា។
ក្នុងឆ្នាំ ២០១៨ នេះ នៅក្នុងបញ្ជីអ្នកមានបំផុតក្នុងពិភពលោករបស់ The Sunday Time បានបង្ហាញមុខបុគ្គលដ៏ជោគជ័យទាំង ១៦ រូប ដែលទទួលបានប្រាក់ដ៏ច្រើនសន្ធឹកសន្ធាប់ពីវិស័យបច្ចេកវិទ្យា ដែលអ្នកឈរនៅក្នុងកំពូលតារាងមានទ្រព្យសម្បត្តិដល់ខ្ទង់ រយពាន់លាន ដុល្លារឯណោះ។
១៩. Zhang Zhidong ១៥,៨ ពាន់លានដុល្លារ
លោក Zhang Zhidong ជាសហស្ថាបនិកក្រុមហ៊ុន Tencent របស់ប្រទេសចិន។ លោកក៏មានឈ្មោះមួយទៀតថា Tony Zhang ផងដែរ។
១៨. William Ding ១៧,៥ ពាន់លានដុល្លារ
លោក William Ding ជាសហស្ថាបនិក និងជានាយកប្រតិបត្តិក្រុមហ៊ុន NetEase ។ លោកបង្កើត NetEase នៅក្នុងឆ្នាំ ១៩៩៧ ហើយពេលនេះវាជាក្រុមហ៊ុនផលិតហ្គេមដ៏ធំមួយនៅក្នុងលោក។
១៧. Laurene Powell Jobs ១៨,៩ ពាន់លានដុល្លារ
អ្នកស្រីជាភរិយាអតីតសហស្ថាបនិក និងជា CEO របស់ Apple លោក Steve Jobs។ អ្នកស្រីបានបង្កើតសហគ្រាស Emerson Collective និងមានពាក្យលេចឮមកថា អ្នកស្រីក៏នឹងចូលរួមក្នុងការគាំទ្រការបំបែកប្រព័ន្ធផ្សព្វផ្សាយឌីជីថល BuzzFeed ផងដែរ។
១៦. Azim Premji ១៨,៩ ពាន់លានដុល្លារ
លោក Azim Premji ជាអគ្គនាយកក្រុមហ៊ុន Wipro Limited ជាមេក្នុងឧស្សាហកម្មព័ត៌មានវិទ្យារបស់ ឥណ្ឌា។
១៥. Elon Musk ២០ ពាន់លានដុល្លារ
លោក Elon Musk ជាម្ចាស់ក្រុមហ៊ុន Tesla ដែលផលិតរថយន្តអគ្គីសនីធំជាងគេលើលោក និងក្រុមហ៊ុនផលិតកាំជ្រួចអវកាស SpaceX ផងដែរ។ លោកក៏មានក្រុមហ៊ុន ជីករូងក្រោមដីផងដែរ ដែលមានឈ្មោះថា The Boring Company ។
១៤. Paul Allen ២១,៩ ពាន់លានដុល្លារ
លោក Paul ជាសហស្ថាបនិករបស់ក្រុមហ៊ុន Microsoft ជាមួយលោក Bill Gates ។ សព្វថ្ងៃនេះ លោកជាម្ចាស់ក្លឹបបាល់ទាត់អាមេរិក Seattle Seahawks ក្នុងក្របខណ្ឌ NFL ។
១៣. Lee Kun-Hee ២២,៥ ពាន់លានដុល្លារ
លោក Lee ជាម្ចាស់ក្រុមហ៊ុន Samsung ។ លោកជាកូនប្រុសទី ៣ របស់ស្ថាបនិកក្រុមហ៊ុន Samsung ផ្ទាល់តែម្ដងគឺលោក Lee Byung-Chul ។
១២. Michael Dell ២២,៨ ពាន់លានដុល្លារ
លោក Michael Dell ជាស្ថាបនិកនិង CEO នៃក្រុមហ៊ុនកុំព្យូទ័រដ៏ល្បីបំផុតលើពិភពលោកគឺ Dell ។
១១. Masayoshi Son ២២,៨ ពាន់លានដុល្លារ
លោក Masayoshi Son ជាស្ថាបនិកនិង CEO នៃ SoftBank ។ SoftBank ជាអ្នកវិនិយោគធំបំផុតក្នុងក្រុមហ៊ុនបច្ចេកវិទ្យាជាច្រើន ដោយមានទុនរហូតដល់ទៅ ១០០ ពាន់លានដុល្លារឯណោះ។
១០. Steve Ballmer ៣៨,៥ ពាន់លានដុល្លារ
លោក Steve ជាអតីត CEO ក្រុមហ៊ុន Microsoft ។ បច្ចុប្បន្ន លោកជាម្ចាស់ក្លឹបបាល់បោះអាមេរិក Los Angeles Clippers ក្នុងក្របខណ្ឌ NBA ។
៩. Jack Ma ៣៩,២ ពាន់លានដុល្លារ
Jack Ma ដែលអ្នកគ្រប់គ្នាស្គាល់នោះ ជាម្ចាស់ក្រុមហ៊ុន Alibaba ជាទីផ្សារទិញលក់ផលិតផលនានា ធំជាងគេបំផុតក្នុងប្រទេសចិន។
៨. Pony Ma Huateng ៤៥,៦ ពាន់លានដុល្លារ
លោក Ma ជា CEO នៃក្រុមហ៊ុន Tencent ។ លោកជាមហាសេដ្ឋី ដែលមានបំផុតក្នុងប្រទេសចិនសព្វថ្ងៃនេះ។
៧. Sergey Brin៤៧,២ ពាន់លានដុល្លារ
លោក Sergey ជាសហស្ថាបនិករបស់ក្រុមហ៊ុន Google ។ សព្វថ្ងៃ លោកជាអគ្គនាយកក្រុមហ៊ុន Alphabet ដែលជាក្រុមហ៊ុនមេរបស់ Google និង Youtube ជាដើម។
៦. Larry Page ៤៧,៨ ពាន់លានដុល្លារ
លោក Larry Pageក៏ជាសហស្ថាបនិករបស់ក្រុមហ៊ុន Google ដែរ។ លោកធ្លាប់ធ្វើជា CEO ដំបូងគេរបស់ Google ត្រឹមឆ្នាំ ២០០១។
៥. Larry Ellison ៥៨,៨ ពាន់លានដុល្លារ
លោក Larry Ellison ជាអគ្គនាយកក្រុមហ៊ុន Oracle ។ លោកបានចូលរួមបង្កើតក្រុមហ៊ុននេះក្នុងឆ្នាំ ១៩៧៧ ហើយក៏នៅតែកាន់ដំណែង នាយកផ្នែកបច្ចេកទេសផងដែរ (CTO)។
៤. Carlos Slim Helú ៦៧,៥ ពាន់លានដុល្លារ
លោក Carlos ធ្លាប់មានភាគហ៊ុនជាង ៤០ លានដុល្លារក្នុងសេវាកម្មតន្ត្រី Shazam។ លោកក៏ជាម្ចាស់សេវាកម្មស្ដាប់ចម្រៀង Claro Musica នៃភាគខាងត្បូងសហរដ្ឋអាមេរិកផងដែរ។
៣. Mark Zuckerberg ៧១,៤ ពាន់លានដុល្លារ
លោក Mark ក៏មានប្រជាប្រិយភាពខ្លាំងមិនចាញ់លោក Jack Ma ដែរ។ លោកជា អ្នកបង្កើត Facebook ហើយក៏ជា CEO របស់ក្រុមហ៊ុននេះតាំងតែពីដើមរៀងមកដែរ។
២. Bill Gates ៩០,៥ ពាន់លានដុល្លារ
លោក Bill Gates ធ្លាប់ជាអ្នកមានបំផុតលើលោករយៈពេលរាប់ទសវត្សរ៍ជាប់គ្នា តាំងតែពីលោកបង្កើតក្រុមហ៊ុន Microsoft មក។ ក្នុងពេលចុងក្រោយនេះ លោក និងភរិយាផ្ដោតលើសកម្មភាពមនុស្សធម៌ច្រើន ដោយមានជាមូលនិធិ Bill and Melinda Gates ជួយទ្រទ្រង់សកម្មភាពទាំងនោះ។
១. Jeff Bezos ១១២,៦ ពាន់លានដុល្លារ
លោក Jeff Bezos មិនត្រឹមតែជាអ្នកមានបំផុតក្នុងវិស័យបច្ចេកវិទ្យាទេ តែលោកគឺជាអ្នកមានផុតលេខនៅលើលោកនេះតែម្ដង។ ជំនួញរបស់លោកគឺក្រុមហ៊ុន ទិញលក់ Amazon ។
ចុចអាន៖