វិសាខា កំពុងមានបញ្ហារបួសកីឡាករ៤ទៅ៥នាក់ តែរំពឹងអាចជួយក្រុមវិញស្អែក

2018-05-17 01:57:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទះវិសាខា នឹងធ្វើការប្រកួតសំខាន់នៅថ្ងៃស្អែក វេលាម៉ោង ១០:១៥ នាទីក្នុងការប្រជែងជាមួយក្រុម ហាលិប៊ុនឆៃ ដើម្បីឡើងទៅកាន់វគ្គ ៤ក្រុមចុងក្រោយ នៃព្រឹត្តិការណ៍ Volleyball Tournament "Sealect Tuna" the Winner of Thailand។

ក្រុមវិសាខា

ទាក់ទងការប្រកួតស្អែកនេះលោក សាន សុក្រិត គ្រូបង្វឹកក្រុមបាល់ទះវិសាខាបានឲ្យដឹងថា ឥឡូវនេះកីឡាករសំខាន់ៗរបស់ខ្លួនកំពុងមានបញ្ហារបួសប្រមាណជា ៤ ទៅ ៥ រូប។ កីឡាករខ្លះឈឺជង្គង់ ខ្លះឈឺជើង ខ្លះមានបញ្ហាចាញ់អាកាសធាតុ និងខ្លះមានការនឿយហត់។ ទោះជាបែបនេះក្ដីលោករំពឹងថា ស្អែកនេះ នឹងអាចជាសះស្បើយ ហើយពួកគេអាចជួយក្រុមដូចដើម។

លោកបញ្ជាក់ថា អាការៈរបស់ពួកគេមិនជាធ្ងន់ធ្ងរប៉ុន្មានទេ ជារួមគឺអាចសង្ឃឹមខ្ពស់ក្នុងការជួយក្រុមទាំងអស់គ្នា។ ទាក់ទងការប្រកួតមិត្តភាពជាមួយ U20 ថៃវិញ លោកអះអាងថា នឹងអាចកើតឡើងក្រោយពេលក្រុមរបស់កម្ពុជាមួយនេះបំពេញភារកិច្ចចប់ក្នុងពានរង្វាន់ខាងលើ។

ប្រកួតដំបូងរបស់ក្រុម វិសាខា វគ្គសន្សំពិន្ទុបែងចែកពូលលើកទី២នេះ ទទួលបាន ៣ ពិន្ទុពេញ ក្រោយពេលយកឈ្នះក្រុម រចនា V ៣-០ កាលពីម្សិលមិញ៕

អត្ថបទ៖ ស្រី សុវណ្ណដារ៉ា