លើក Europa យប់មិញ តើជាពានទីប៉ុន្មានសម្រាប់ Simeone នៅ Atletico?
- 2018-05-17 02:00:43
- ចំនួនមតិ 0 | ចំនួនចែករំលែក 0
លើក Europa យប់មិញ តើជាពានទីប៉ុន្មានសម្រាប់ Simeone នៅ Atletico?
ចន្លោះមិនឃើញ
ការយកឈ្នះ Marseille កាលពីយប់មិញ ៣ទល់នឹង០ ឈ្នះពាន Europa League វាគឺជាពានទី៦សម្រាប់លោក Diego Simeone នៅ Atletico Madrid ក្រោយចំណាយពេល៧រដូវកាលនៅទីនោះ។
រយៈពេល៣ឆ្នាំចុងក្រោយត្បិតតែបង្ហាញទម្រង់លេងល្អ ប៉ុន្តែ Atletico មិនដែលលើកពានអ្វីសោះឡើយ។ ទើបតែឆ្នាំ២០១៨នេះ ពួកគេបានសម្រេចក្ដីប្រាថ្នា ធំមួយលើកពាន Europa League ជាលើកទី៣ក្នុងប្រវត្តិសាស្ត្រក្លឹប។
ក្នុងចំណោមពានទាំង៦ Simeone មានជួយក្លឹបឈ្នះពាន LaLiga ម្ដង, Copa del Rey ម្ដង, Spanish Super Cup ម្ដង, Europa League ២ដង និង European Super Cup ម្ដង។ អ្នកចាត់ការសញ្ជាតិអាហ្សង់ទីនកំពុងសម្លឹងពានទី៧នៅសីហាឆ្នាំនេះក្នុងកម្មវិធី European Super Cup ដោយត្រូវជួយម្ចាស់ជើងឯក Champions League (Liverpoolឬ Real Madrid)។
កន្លងទៅ Simeone បានខាតបង់ពានដល់ទៅ៣ ដោយកាលនោះបានឡើងមក UCL ផ្ដាច់ព្រ័ត្រ២ដង ចាញ់ Real Madrid ទាំងពីរដង និងចាញ់ Barcelona នៅ Spanish Super Cup ម្ដងទៀត៕