ច្បាស់ហើយ ហា សីហា ប្រកាសដើរចេញពី M ដោយសារមូលហេតុនេះ

2018-05-17 03:14:15
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង ហា សីហា បានធ្វើឲ្យអ្នកគាំទ្រភ្ញាក់ផ្អើលដោយសារកាលពីយប់មិញបានបង្ហោះសារលើ Page របស់ខ្លួនថានឹងចាកចេញពីផលិតកម្ម M ដោយបន្សល់បទចម្រៀងចុងក្រោយជាចំណងដៃមានចំណងជើងថា "អូនអ្ហើយនៅទីណា"។

មូលហេតុនៃការចាកចេញមុនផុតកុងត្រានេះ មិនមែនដោយសារមានផលិតកម្មផ្សេងទាក់ទងលោកទៅនោះទេ តែដោយសារលោករវល់ខ្លាំងពេករហូតមិនមានពេលវេលាគ្រប់គ្រាន់ដើម្បីផលិតបទចម្រៀងតាមតម្រូវការឲ្យផលិតកម្មបាន។ ម្ល៉ោះហើយបន្ទាប់ពីពិភាក្សាគ្នាជាមួយខាងចាងហ្វាងផលិតកម្មដែលបានជ្រកអស់រយៈពេលជាង៣ឆ្នាំនេះ លោកក៏សម្រេចចាកចេញតែម្ដង។

“ខ្ញុំមាន project ធ្វើបទចម្រៀងនៅខាងក្រៅផង ហើយណាមួយត្រូវទៅខេត្តញឹកញប់ផងដោយសារធ្វើការងាររដ្ឋដែរ។ អ៊ីចឹងអត់សូវមានពេលគ្រប់គ្រាន់ឲ្យខាងផលិតកម្ម ក៏សម្រេចចាកចេញទៅ"។ ម្ចាស់បទ អូនអ៊ូកបញ្ជាក់ប្រាប់Sabay។

តារាចម្រៀង Original Song រូបនេះគ្មានគម្រោងចូលផលិតកម្មណាមួយផ្សេងនោះទេ ដោយចង់មានពេលវេលាលំហែខួលក្បាលបន្តិចសិន។ សីហា ប្រាប់ថា ចង់ធ្វើដូចកាលពីមុនជាតារាyoutube មានពេលក៏ផលិតបទចម្រៀងហើយបង្ហោះឲ្យទស្សនិកជនស្ដាប់ ដោយមិនបាច់ខ្វល់ពីរឿងកុងត្រា ហើយមានសេរីភាពថែមទៀត៕

អត្ថបទ៖ លឹម សុនា