ដឹងពីវិន័យក្រុមគ្រួសារត្រកូល Kardashian បានដឹងថាតឹងរឹងប៉ុណ្ណា

2018-05-17 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីទទួលបានភាពជោគជ័យនៃកម្មវិធីទូរទស្សន៍ "Keeping Up With the Kardashians” មក សមាជិកនៃក្រុមគ្រួសារមួយនេះបានក្លាយទៅជាត្រកូលដែលទទួលបានភាពល្បីល្បាញជាងគេក្នុងសហរដ្ឋអាមេរិក។ ដោយមានកេរ្តិ៍ឈ្មោះល្បីរន្ទឺ និងទ្រព្យសម្បត្តិច្រើនលើសលុបពីការបង្កើតមុខជំនួញនោះ គ្រួសារត្រកូល Kardashain ថែមទាំងបានត្រូវបានគេចាត់ទុកដូចជា "គ្រួសាររាជវង្សានុវង្សនៃសហរដ្ឋអាមេរិក"។ មួយវិញទៀត លោក Ian Halperin ក៏បានបោះពុម្ពសៀវភៅមួយក្បាលដែលមានឈ្មោះថា "The Kardashian Dynasty: The Controversial Rise of the Royal Family”។

ដូច្នេះហើយ ក្នុងនាមជាគ្រួសារត្រកូលរាជវង្សនោះ កូនៗរបស់ត្រកូលគ្រួសារមួយនេះក៏ត្រូវតែដើរតាមលំនាំច្បាប់វិន័យរបស់គ្រួសារផងដែរ។

១. តារាម៉ូដែល

សមាជិកក្រុមគ្រួសារត្រកូល Kardashian គឺត្រូវដើរតួដំណាងឲ្យផលិតផលរបស់ពួកគេផ្ទាល់។ ដូច្នេះហើយ ទោះពួកគេពេញចិត្ត ឬមិនពេញចិត្តក៏ដោយ កូនៗរបស់ត្រកូលមួយនេះ គឺត្រូវតែស្លៀកសម្លៀកបំពាក់ដែលតម្រូវឲ្យ និងឈរបង្ហាញដើម្បីថតរូប។

២. ពេលវេលាចំណាយលើគ្រឿងអេឡិចត្រូនិក

ដូចគ្រួសារដទៃដែរ Kardashians ក៏មានការបារម្ភចំពោះភ្នែកកូនៗរបស់ពួកគេពេលប្រើប្រាស់គ្រឿងអេឡិចត្រូនិកផងដែរ។ ជាក់ស្ដែង តារាទូរទស្សន៍ Kourtney Kardashain ត្រូវរង់ចាំយ៉ាងតិច ២ឆ្នាំដើម្បីអាចប្រើប្រាស់គ្រឿងអេឡិចត្រូនិកបាន ហើយឥឡូវនេះ នាងអនុញ្ញាតឲ្យកូនៗរបស់នាងលេងវីដេអូហ្គេម និងមើលទូរទស្សន៍បាន ប៉ុន្តែក្នុងរយៈពេលដែលបានកំណត់ គឺកន្លះម៉ោងក្នុងមួយថ្ងៃនៅចុងសប្ដាហ៍ និងមួយម៉ោងក្នុងមួយថ្ងៃសម្រាប់ពីរសប្ដាហ៍។

៣. បណ្ដាញសង្គម

ទំនាក់ទំនងតាមបណ្ដាញសង្គមគឺជាផ្នែកមួយនៃជីវិតត្រកូល Kardashian។ ដូច្នេះហើយ សមាជិកនីមួយៗ អនុញ្ញាតឲ្យកូនៗរបស់ពួកគេចំណាយពេលកម្សាន្តអារម្មណ៍បានជាមួយនឹងបណ្ដាញសង្គមតាំងពីនៅតូច។

៤. ស្លៀកសម្លៀកបំពាក់ចាស់ៗ

ជាការពិតណាស់ គ្រួសារត្រកូល Kardashian មិនមែនចេះតែចាយវាយលុយផ្ដេសផ្ដាសនោះទេ ពួកគេនៅតែឲ្យកូនៗរបស់គេស្លៀកសម្លៀកបំពាក់ចាស់ៗដែលពួកគេរក្សាទុកដូចគ្រួសារដទៃដែរ។ Kim ហើយនិង Kourtney ពួកគេទាំងពីរនាក់ អនុញ្ញាតឲ្យកូនៗស្លៀកសម្លៀកបំពាក់ចាស់ៗរបស់ពួកគេ។ ធ្វើដូចនេះអាចឲ្យទូសម្លៀកបំពាក់របស់ពួកគេសម្លៀកបំពាក់ច្រើនផ្សេងគ្នា។

៥. វិន័យសម្រាប់ភ្ញៀវមកសួរសុខទុក្ខកូនៗរបស់ពួកគេ

តារាទូរទស្សន៍ Kylie Jenner គឺចូលចិត្តភាពស្អាតបាតមានអនាម័យ ជាពិសេសគឺនាងចង់ឲ្យអ្វីៗ ល្អសម្រាប់កូនស្រីនាង។ ដូច្នេះហើយ នរណាដែលចង់ជួបកូនរបស់នាងគឺត្រូវទៅផ្ទះរបស់នាង ព្រោះនាងមិនចង់នាំកូនទៅកន្លែងដែលមានបរិយាកាសមិនល្អនោះទេ។ មួយវិញទៀត ភ្ញៀវដែលមកសួរសុខទុក្ខកូនស្រីរបស់នាង ពួកគេត្រូវតែពាក់ម៉ាសដើម្បីការពារការចម្លងមេរោគទៅកូនរបស់នាងជាយថាហេតុ។

៦. ពេលវេលាចូលដំណេក

ឪពុកម្ដាយរបស់ពួកគេត្រូវធ្វើយ៉ាងណាឲ្យប្រាកដថាកូនៗរបស់ពួកគេបានសម្រាកគ្រប់គ្រាន់។ Kourtney ជាញឹកញាប់តែងតែយក iPhone, iPad ចេញពីកូនៗរបស់នាង ដោយជំនួសដោយការអានសៀវភៅមុនពេលចូលគេងវិញ។ នាងថែមទាំងដាក់ម៉ាស៊ីនដែលអាចជួយកូនរបស់នាងឲ្យសម្រាកនិងគេងលក់ស្រួលថែមទៀតផង។

៧. ម៉ាស៊ីន Microwave

តារាទូរទស្សន៍ Kourtney គឺត្រូវបានហាមមិនឲ្យប្រើ ម៉ាស៊ីន Microwave។ ហេតុផលនោះគឺថា នៅពេលដែល Kardashian មានផ្ទៃពោះ ជីតារបស់ពួកគេបានអានពីផលប៉ះពាល់នៃសារធាតុដែលបង្កគ្រោះថ្នាក់ពីប្លាស្ទិកដែលជាប់ជាមួយអាហារនៅពេលចម្អិនជាមួយម៉ាស៊ីននេះ។

៨. ការតមអាហារ

ការតមអាហាររបស់ត្រកូលមួយនេះគឺអាចឲ្យគ្រប់គ្នាពេបមាត់។ ក្មេងៗគឺមិនអនុញ្ញាតឲ្យផឹកទឹកដោះគោ បើទោះបីជាពួកគេមិនមានប្រតិកម្មជាមួយវាក៏ដោយ។ Kourtney និយាយថា ធ្វើបែបនេះ អាចជួយឲ្យកូនៗរបស់គេមានអាកប្បកិរិយាល្អ។ អាហារដែលអនុញ្ញាតឲ្យកូនៗរបស់ពួកគេញ៉ាំបាននោះគឺ សុទ្ធតែគ្មានសារធាតុគីមី និងគ្មានជាតិស្ក។

៩. មិនអនុញ្ញាតឲ្យមើលកម្មវិធី "Keeping Up With The Kardashians”

ចាប់តាំងពីកើតមក Kloe Kardashain បានចាត់ច្បាប់វិន័យសម្រាប់កូនរបស់នាង។ យ៉ាងហោចណាស់ ពួកគេមានអាយុ ១៣ឆ្នាំទើបអាចមើលកម្មវិធី "Keeping Up With The Kardashians”បាន ព្រោះនាងគិតថាកម្មវិធីនេះមិនស័ក្ដិសមជាមួយក្មេងៗ។

១០. របស់របរដែលហាមឃាត់

ក្រៅពីហាមមិនឲ្យប្រើប្រាស់ម្សៅសូដា តារាទូរទស្សន៍ Kourtney គឺមិនអនុញ្ញាតឲ្យប្រើខ្នើយសំឡីទេ។ ព្រោះនាងជឿជាក់ថាមានតែខ្នើយធ្វើពីសូត្រទេដែលអាចការពារកុំឲ្យមានស្នាមជ្រីវជ្រួញបាន៕

ប្រភព៖ Kenh14 ប្រែសម្រួល៖ អន សុភក្ត្រា