បង្ហាញវីដេអូប្រហោងពោះក្រុមអ្នករុករកក្នុងព្រៃ ឡើងភ្នំឱរ៉ាល់ដំបូងគេនៅកម្ពុជា
- 2018-05-17 08:25:19
- ចំនួនមតិ 0 | ចំនួនចែករំលែក 0
បង្ហាញវីដេអូប្រហោងពោះក្រុមអ្នករុករកក្នុងព្រៃ ឡើងភ្នំឱរ៉ាល់ដំបូងគេនៅកម្ពុជា
ចន្លោះមិនឃើញ
លោក សេក ច័ន្ទដារ៉ា ជាមនុស្សម្នាក់ដែលមានចំណូលចិត្តក្នុងការផ្សងព្រេងទៅតំបន់ព្រៃភ្នំ ជ្រោះជ្រងជ្រលងដងអូរ នៅតាមបណ្ដាខេត្តនានានៅកម្ពុជា។ កាលពីខែឧសភា ឆ្នាំ២០១៧ ក្រុមអ្នកលេងឡាន Off Road របស់លោក បានរួមគ្នាបំបែកឯកត្តកម្ម ដោយបើកឡានឡើងភ្នំឱរ៉ាល់កម្ពស់ ១៨១៣ ម៉ែត្រ ដែលជាភ្នំខ្ពស់ជាងគេបំផុតក្នុងប្រទេសកម្ពុជា។ នៅទីបំផុតក្រុមអ្នកបើកឡានខាងលើបានឡើងទៅដល់កំពូលភ្នំដ៏ខ្ពស់នេះ ដោយប្រើរយៈពេល ៣៥ថ្ងៃ និងឆ្លងកាត់ឧបសគ្គលំបាកៗជាច្រើន។
រៀបរាប់ពីដំណើរផ្សងព្រេងដ៏អស្ចារ្យនេះ លោក សេក ច័ន្ទដារ៉ា បានប្រាប់ថា ត្រូវប្រឈមនឹងឧបសគ្គដែលនឹកស្មានមិនដល់ជាច្រើន។ ក្នុងនោះមានអ្នកខ្លះត្រូវគ្រុនចាញ់នៅលើភ្នំ ត្រូវទ្រាំទ្រនូវអាកាសធាតុដ៏ត្រជាក់បំផុតរហូតដល់១២អស្សាសេ។ ពេលខ្លះក៏ក្រឡាប់រថយន្តពីរបីត្រឡប់ អស់ប្រេង ត្រូវពឹងអ្នកស្រុកជួយចុះទិញដល់ដី ខ្វះខាតស្បៀងត្រូវហូបផ្អក ទឹកត្រី ជារៀងរាល់ថ្ងៃ និងឧបសគ្គគួរឲ្យរន្ធត់ជាច្រើនទៀត។
សូមប្រិយមិត្តមកទស្សនា និងស្ដាប់ការរៀបរាប់ទាំងស្រុងរបស់លោក សេក ច័ន្ទដារ៉ា ដូចខាងក្រោមនេះ៖