N07 ​ជា​កីឡាករ​ E-Sports អន្តរជាតិ​ទី​១​​របស់​ខ្មែរ​ទៅ​ប្រកប​អាជីព​នៅ​កូរ៉េ

  • 2018-05-17 09:55:37
  • ចំនួនមតិ

ចន្លោះមិនឃើញ

កីឡាករ​អេឡិចត្រូនិក​កម្ពុជា​លើ​ប្រភេទ​វិញ្ញាសា​ Dota 2 ឈ្មោះ អ៊ូ ម៉េង ត្រូវ​បាន​ក្រុម​​ហ៊ុន​កីឡា​​អេឡិចត្រូនិករបស់​ប្រទេស​កូរ៉េ​ខាង​ត្បូង​​ជ្រើស​រើស​​យក​ទៅ​ចូល​រួម​ជា​មួយ​ក្រុម​របស់​ខ្លួន​​ដើម្បី​ធ្វើ​ជា​កីឡាករ​អាជីព​នៅ​ទី​នោះ។

កីឡាករ No7 (រូបថត៖ Dota2 Cambodia)

តាម​ការ​ឲ្យ​ដឹង​ពី​ Dota 2 Cambodia ថា កីឡាករ អ៊ូ ម៉េង បាន​ក្លាយ​ជា​​កីឡាករ​អេឡិចត្រូនិក​ខ្មែរ​ទី​មួយ​ដែល​ត្រូវ​បាន​ក្រុម​ហ៊ុន​ E-Sports របស់​កូរ៉េ​ឈ្មោះ KongDoo Company យក​ទៅ​​​ដោយ​ចុះ​កុងត្រា​រយៈ​ពេល​មួយ​ឆ្នាំ។ ការចុះ​កុងត្រា​រយៈ​ពេល​មួយ​ឆ្នាំ​នេះ រូប​គេ​ទទួល​បាន​​​​ប្រាក់​ខែ​ដំបូង​ គឺ​១០០០​ដុល្លារ​ក្នុង​១​ខែ មាន​​ខុន​ដូ​​សម្រាប់​ស្នាក់​នៅ​ ​មាន​គ្រូ​បង្ហាត់​ និង​​អាហារ​ ព្រម​ទាំង​​មាន​ប្រាក់​លើក​ទឹក​ចិត្ត​ពេល​ឈ្នះ​ការ​ប្រកួត​ផ្សេង​ៗ​។ ប្រាក់​ខែ​នឹង​កើន​បន្ត​បន្ទាប់​ទៀត។

កីឡាករ អ៊ូ ម៉េង ជា​សមាជិក​ក្រុម​ខ្លាំង​របស់​កម្ពុជា​គឺ​ Intelligent Quotient​ (IQ) ដែលជាក្រុម​ជេីងឯក​លើ​វិញ្ញាសា​ Dota 2 ពី​ព្រឹត្តិការណ៍​ប្រកួត​កីឡា​អេឡិចត្រូនិក​ថ្នាក់​ជាតិ​ឆ្នំា​២០១៧​ (Tournament NET 2017)។ កីឡាករ​​ដែល​មាន​រហស្សនាម​​ No7 និង​លេង​ក្នុង​តំណែង​ប្រយុទ្ធ​នេះ​​​ក្លាយ​ជា​កីឡាករ​អេឡិចត្រូនិក​អន្តរជាតិ​ទី​១​របស់​កម្ពុជា​ដែល​​ត្រូវ​​បង្ហាញ​ឲ្យ​លើ​ឆាក​អន្តរជាតិ។ រូប​គេ​​​ត្រូវ​ចាក​ចេញ​ពី​ប្រទេស​កម្ពុជា​​វេលា​ម៉ោង​៧:៣០​នាទី​យប់​ ថ្ងៃ​ព្រហស្បតិ៍​ ទី​១៧​ ខែ​ឧសភា ឆ្នាំ​២០១៨​នេះ៕

ក្រុម IQ ជា​ជើងឯក​ថ្នាក់​ជាតិ​កាល​ពី​ឆ្នាំ​២០១៧

អត្ថបទ៖ ជាន ចាន់រ៉ា