Samsung បាញ់មួយគ្រាប់ទៀត ល្មមធ្វើឲ្យ Apple គ្រាំទ្រូង

2018-05-18 01:31:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមក Samsung មិនធ្លាប់រអានឹងការឌឺដងដល់ Apple នោះទេ ហើយជាមួយនឹងវីដេអូស្ប៉តថ្មី Samsung ហាក់ដូចបានធ្វើការប្រកាសសង្គ្រាមក្ដែងៗជាមួយនឹងក្រុមហ៊ុនផ្លែប៉ោមតែម្ដង។

វីដេអូមានចំណងជើងថា "Moving On” ដែលបង្ហាញពីទុក្ខវេទនា របស់ស្ត្រីម្នាក់ដែលប្រើប្រាស់ iPhone 6។ ដំណើរការយឺត, មិនអាចធន់នឹងទឹក, សុខៗស្រាប់តែរលត់ និង បញ្ហា Software មួយចំនួន ជារឿងដែលដាក់បន្ទុកដល់ស្ត្រីរូបនេះ។

វីដេអូស្ប៉តនេះក៏មានបង្ហាញពីស្ត្រីជាម្ចាស់ iPhone យកទូរសព្ទខ្លួនទៅកាន់ហាងជួសជុលរបស់ Apple ដោយក្នុងឈុតឆាកនេះមាននិយាយលែបខាយអំពីរឿងអាស្រូវដែល Apple ធ្វើឲ្យ iPhone ចាស់ៗដើរយឺតទៀតផង។ ជាចុងក្រោយនារីជាម្ចាស់ iPhone បានសម្រេចប្ដូរប្រើស្មាតហ្វូន Samsung។

ក្នុងវីដេអូដដែលនេះ គេក៏ឃើញមានវត្តមានបុរសដែលមានម៉ូដសក់ដូចជា iPhone X ដែលបុរសរូបនេះគឺជាតួឯកក្នុងវីដេអូស្ប៉តមុន ដែល Samsung ផលិតឡើងសម្រាប់បញ្ឈឺដល់ Apple ដូចគ្នា៕