ផល សោភ័ណ្ឌ ប្រកួតប៉ះខ្មែរគ្នាឯងយូរៗម្ដង ប្លែកនិងពិបាកគួរសមដែរ

2018-05-18 02:38:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះ ផល សោភ័ណ្ឌ ថា ភាគច្រើនប្រកួតជាមួយបរទេស ដល់ពេលប៉ះខ្មែរគ្នាឯងវគ្គពាក់កណ្ដាលផ្ដាច់ព្រ័ត្រកន្លងទៅនេះ ហាក់ប្លែកជាងរាល់ដង ហើយក៏ពិបាកគួរសមដែរ។

ផល សោភ័ណ្ឌ(ក្រហម)

ផល សោភ័ណ្ឌ ប្រាប់ឲ្យដឹងថា ការជួបប្រកួតជាមួយកីឡាករកម្ពុជា គឺមិនសូវមានទេ អាចថាយូរៗម្ដង ហើយការប្រកួតវគ្គពាក់កណ្ដាលផ្ដាច់ព្រ័ត្រជាមួយ ចាន់ ប៊ុនលាភ នេះ ហាក់ប្លែកខ្លះៗដែរ ពោលគឺវ៉ៃជាមួយបរទេស គេមិនសូវដឹងក្បាច់ ដូច្នេះស្រួលបន្តិច។

ផល សោភ័ណ្ឌ(ក្រហម)

ជើងខ្លាំងមកពីខណ្ឌដង្កោខាងលើបន្តថា ប៉ះខ្មែរគ្នាឯងគឺដឹងក្បាច់គ្នាទៅវិញទៅមក ដូច្នេះម្នាក់ៗប្រកួតដោយប្រុងប្រយ័ត្នខ្លាំង ណាមួយដៃគូវ៉ៃបុករហូតផងដែរ។ ជ័យជម្នះវគ្គពាក់កណ្ដាលផ្ដាច់ព្រ័ត្រ ក៏ជាការតបស្នងដល់អ្នកគាំទ្រខ្លួន ដែលតែងតែលើកទឹកចិត្តគ្រប់ពេលមិនថាចាញ់ ឬឈ្នះឡើយ។

ផល សោភ័ណ្ឌ ចាប់ដៃអ្នកគាំទ្រ

កីឡាករ ផល សោភ័ណ្ឌ ជាកូនសិស្សលោកគ្រូ ញ៉ូវ ម៉ាក់ មកពីក្លឹបប្រដាល់តាឡីដំរីមានរិទ្ធិ នៅឯខណ្ឌដង្កោ រាជធានីភ្នំពេញ។ ប្រកួតចុងក្រោយឈ្នះ ចាន់ ប៊ុនលាភ ក្នុងវគ្គពាក់កណ្ដាលផ្ដាច់ព្រ័ត្រ ដោយអាជ្ញាកណ្ដាលបញ្ឈប់នៅទឹកទី៤ កាលពីថ្ងៃអាទិត្យ ទី១៣ ខែឧសភា ឆ្នាំ២០១៨ នៅសង្វៀនបាយ័នស្ទឹងមានជ័យ៕

អត្ថបទ៖ នួន ស៊ីណា