ទីបំផុតក្រសួង ចេញសេចក្ដីប្រកាសជុំវិញរឿងវៀតណាមចង់ដាំបន្លែនៅខ្មែរហើយ

2018-05-18 10:41:36
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីផ្ទុះព័ត៌មានក្រុមហ៊ុនវៀតណាម មានគោលបំណងបោះទុន១០០០លានដុល្លារ លើការដាំបន្លែ ផ្លែឈើនៅកម្ពុជា បានធ្វើឲ្យសាធារណជន និងអ្នកតាមដានបញ្ហាសង្គមបង្ហាញការព្រួយបារម្ភយ៉ាងខ្លាំង។ បន្ទាប់ពីរដ្ឋមន្ត្រីក្រសួងកសិកម្មផ្ដល់ការបកស្រាយដល់អង្គភាពព័ត៌មាន Fresh news បានធ្វើឲ្យមានការរិះគន់កាន់តែខ្លាំងឡើងលើពាក្យពេចន៍របស់ឯកឧត្ដម វេង សាខុន។

នៅថ្ងៃទី ១៨ ខែឧសភា ឆ្នាំ២០១៨នេះ ក្រសួងបានចេញសេចក្ដីប្រកាសថា ករណីនេះអ្នកវិនិយោគវៀតណាម គ្រាន់តែបង្ហាញគោលបំណងការបោះទុនវិនិយោគលើវិស័យកសិកម្មផ្នែកដំណាំស្បៀង សុវត្ថិភាពតែប៉ុណ្ណោះ។ ប្រសិនបើគម្រោងនេះដំណើរការក្រុមហ៊ុននឹងសហការជាមួយកសិករ ដាំបន្លែ ផ្លែឈើ រួមទាំងសហគមន៍កសិកម្ម ដោយត្រូវអនុវត្តផលិតកម្មកសិកម្មតាមកិច្ចសន្យា ដើម្បីធ្វើការផលិតតាមគោលការណ៍កសិកម្មសរីរាង្គ ឬអនុវត្តកសិកម្មល្អ សម្រាប់ផ្គត់ផ្គង់សណ្ឋាគារ កន្លែងលម្ហែកាយ ទាំងនៅកម្ពុជា និងវៀតណាម។

ក្រុមហ៊ុននឹងរៀបចំកសិដ្ឋានដាំដុះគំរូ ដើម្បីបង្ហាញឲ្យកសិករធ្វើការដាំដុះតាមបទដ្ឋានបច្ចេកទេសសមស្រប ពូជមានទិន្នផលខ្ពស់ និងក្រុមហ៊ុននឹងប្រមូលទិញមកវិញ ដើម្បីបំពេញតម្រូវការទីផ្សារតាមគោលបំណងខាងលើ។

ជាមួយគ្នានេះដែរ គម្រោងវិនិយោគខាងលើនេះ នៅមិនទាន់ចាប់ផ្ដើមនៅឡើយទេ ព្រោះភាគីអ្នកវិនិយោគមិនទាន់ធ្វើការសិក្សាបានច្បាស់លាស់ស្ដីពីផែនការលើការវិនិយោគនៅឡើយ៕

សេចក្ដីលម្អិតសូមមើលខាងក្រោមនេះ៖